-2009թ. մայիսի 7-ին մեկնարկեց Արեւելյանգործընկերություն ծրագիրը` Հայաստանի, Վրաստանի, Ադրբեջանի, Ուկրաինայի եւ Մոլդովայի անդամակցությամբ: Ի՞նչ արդյունքներ են գրանցվել մեկ տարում:

-Արեւելյան գործընկերություն ծրագրի մեկնարկով Հայաստանը մեկ անգամ եւս կարեւորեց Եվրոպայի հետ համագործակցության նշանակությունը:
Եվրոմիության ընդլայնման եւ եվրոպական հարեւանության քաղաքականության հարցերով հանձնակատար Շտեֆան  Ֆյուլեն, ապրիլին առաջին անգամ այցելելով Հայաստան, նշեց մեր երկրի առաջընթացի մասին:

Բանակցությունները հիմնականում ընթանում  են 3 ուղղությույամբ` ասոցացման համաձայանագիր. որը քաղաքական երկխոսություն է ենթադրում եւ նպատակն է Հայաստանը հնարավորինս մերձեցնել Եվրոմիությանը, ազատ առեւտրի գոտի եւ ավելի դյուրին վիզային ռեժիմ:
 
-Որքա՞ն կտեւեն բանակցությունները եւ ի՞նչ արդյունքի էձգտում Հայաստանը:

-Արդյունքն այն կլինի, որ երկիրը կհամապատասխանի այն եվրոպական չափանիշներին, որին ձգտում ենք: Առայժմ ծրագրի առաջին փուլում ենք եւ  իրականացնում ենք ներքին բարեփոխումներ: Այս փուլից հետո միայն կարող ենք մտածել եվրոպական տնտեսական ինտեգրման մասին: Առաջիկա մի քանի ամիսներին մենք կստանանք բանակցությունները սկսելու մանդատը: Բանակցությունները սկսելու մանդատ ունեն միայն Ուկրաինան եւ Մոլդովան:

-Ծրագրի շրջանակներում առաջին իսկ հանդիպումներիընթացքում Ադրբեջանը դրսեւորեց Հայաստանի հետհամագործակցությունը բացառելու դիրքորոշումը: Ինչպե՞սսա գնահատվեց ծրագրի գործընկերների կողմից:  
-Մենք բազմիցս նշել ենք, որ  արեւելյան գործընկերությունը ստեղծվել է համագործակցության, այլ ոչ թե հակամարտությունները քննարկելու համար: Ադրբեջանի նման դիրքորոշումը դանդաղեցնում է գործընթացը, ինչը վատ է ընդունվում եվրոպացիների կողմից:

-Եվրոմիությանն անդամակցելը Հայաստանի հեռահարնպատա՞կն է:

-Մենք գիտենք, որ պատրաստ չենք Եվրոմիությանն անդամակցելուն, Եվրոպան էլ պատրաստ չէ մեզ ընդունել: Հարցն այսօր օրակարգում դրված չէ, պետք է երկուստեք պատրաստ լինենք:  Բայց ինչու ոչ, մեր քայլերն այսօր տանում են դեպի Եվրոպա: