Ընդհանուր տեղեկատվություն

1992թ.-ին Հայաստանի և Չեխոսլովակիայի միջև հաստատվել են դիվանագիտական հարաբերություններ։ Չեխոսլովակիայի բաժանումից հետո` 1993թ.-ին, Հայաստանը դիվանագիտական հարաբերություններ է հաստատել Չեխիայի Հանրապետության հետ:

2014 թվականից գործում է Տնտեսական համագործակցության հարցերով հայ-չեխական միջկառավարական հանձնաժողովը, որի ամդրանիկ նիստը կայացել է 2014թ. սեպտեմբերին Երևանում, երկրորդ նիստը՝ 2016թ. ապրիլին Պրահայում, երրորդը՝ 2017թ. սեպտեմբերին Երևանում և չորրորդը՝ 2018թ. դեկտեմբերին Պրահայում:

2019թ․ փետրվարի 21-ին Չեխիայի Հանրապետությունում ՀՀ արտակարգ և լիազոր դեսպան Աշոտ Հովակիմյանն իր հավատարմագրերն է հանձնել ՉՀ նախագահ Միլոշ Զեմանին։

Այցեր

Չեխիայի Հանրապետություն

Հայաստան

Իրավական դաշտ

Համաձայնագրեր

• Չեխոսլովակիայի Դաշնային Հանրապետության և Հայաստանի Հանրապետության արտաքին գործերի նախարարությունների միջև հուշագիր դիվանագիտական հարաբերություններ հաստատելու մասին - 1992թ. մարտի 30,
• Համաձայնագիր Հայաստանի Հանրապետության և Չեխիայի Հանրապետության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին – 2008թ. հուլիսի 6,
• Համաձայնագիր Հայաստանի Հանրապետության պաշտպանության նախարարության և Չեխիայի Հանրապետության պաշտպանության նախարարության միջև ռազմական համագործակցության մասին – 2010թ. մարտի 26,
• Համաձայնագիր Հայաստանի Հանրապետության և Չեխիայի Հանրապետության միջև առանց թույլտվության բնակվող անձանց հետընդունման մասին – 2010թ. մայիսի 17,
• Համաձայնագիր Հայաստանի Հանրապետության կառավարության և Չեխիայի Հանրապետության կառավարության միջև օդային տրանսպորտի մասին - 2010թ. մայիսի 17,
• Համաձայնագիր Հայաստանի Հանրապետության կառավարության և Չեխիայի Հանրապետության կառավարության միջև մշակույթի, կրթության, գիտության, երիտասարդության և սպորտի բնագավառներում համագործակցության մասին – 2010թ. դեկտեմբերի 10:
• Հայաստանի արդյունաբերողների և գործարարների միության և Չեխիայի արդյունաբերության միության միջև համագործակցության մասին համաձայնագիր /2011 Երևան/:
• 2014թ. Համաձայնագիր «Հայաստանի Հանրապետության առողջապահության նախարարության և Չեխիայի Հանրապետության առողջապահության նախարարության միջև առողջապահության և բժշկագիտության բնագավառներում համագործակցության մասին». ստորագրվել է 2014թ. հունվարի 30-ին, Պրահայում
• 2014թ. Համաձայնագիր «Հայաստանի Հանրապետության Կառավարության և Չեխիայի Հանրապետության Կառավարության միջև տնտեսական և արդյունաբերական համագործակցության մասին». ստորագրվել է 2014թ. հունվարի 30-ին, Պրահայում
• 2014թ. Համաձայնագիր «Հայաստանի Հանրապետության Կառավարության և Չեխիայի Հանրապետության Կառավարության միջև հանցավորության դեմ պայքարում համագործակցության վերաբերյալ » ստորագրվել է 2014թ. հունվարի 30-ին, Պրահայում
• Պայմանագիր ՀՀ ԱՆ «Պրոֆ. Ռ.Յոլյանի անվան» արյունաբանական կենտրոնի և «Ֆուլ Մեդիքըլ Սերվիսես» ԲԲԸ-ի միջև բջջային թերապիայի մեթոդների համատեղ մշակման մասին: Ստորագրվել է 2014թ. հունվարի 31-ին, Պրահայում:
• Համաձայնագիր Հայաստանի Հանրապետության արտահանման ապահովագրման պետական գործակալության և Չեխիայի Հանրապետության արտահանման երաշխավորման և ապահովագրման կորպորացիայի համագործակցության մասին: Ստորագրվել է 2014թ. հունվարի 31-ին Պրահայում:

Արձանագրություններ

• Արձանագրություն Հայաստանի Հանրապետության արտաքին գործերի նախարարության և Չեխիայի Հանրապետության արտաքին գործերի նախարարության միջև համագործակցության մասին – 1996թ. մարտի 1,
• Արձանագրություն Հայաստանի Հանրապետության տարածքային կառավարման նախարարության և Չեխիայի Հանրապետության ներքին գործերի նախարարության միջև Հայաստանի Հանրապետության և Չեխիայի Հանրապետության միջև առանց թույլտվության բնակվող անձանց հետընդունման մասին համաձայնագրի կիրարկման մասին: Ստորագրվել է 2010թ. մայիսի 17-ին:

Հուշագրեր

• Փոխըմբռնման հուշագիր Հայաստանի Հանրապետության արտաքին գործերի նախարարության և Չեխիայի Հանրապետության արտաքին գործերի նախարարության միջև Եվրոպական ինտեգրման բնագավառում համագործակցության մասին – 2008թ. հուլիսի 6,
• Փոխըմբռնման հուշագիր Հայաստանի Հանրապետության գլխավոր դատախազության և Չեխիայի Հանրապետության գլխավոր դատախազության միջև համագործակցության մասին – 2009թ. մայիսի 18:
• Հուշագիր Հայաստանի Հանրապետության «Դիլիջան» ազգային պարկի և Չեխիայի Հանրապետության «Կրկոնոշե լեռների» ազգային պարկի միջև համագործակցության մասին Ստորագրվել է 2014թ. հունվարի 31-ին Պրահայում:
• Փոխըմբռնման հուշագիր Հայաստանի Հանրապետության Վայոց Ձորի մարզպետարանի և Չեխիայի Հանրապետություն Կարլովարյան երկրամասի նահանգապետարանի միջև առևտրատնտեսական, հումանիտար և մշակութային համագործակցության մասին: Ստորագրվել է 2014թ. հունվարի 31-ին Պրահայում:
• Փոխըմբռնման հուշագիր Հայաստանի Հանրապետության Արմավիրի մարզի և Չեխիայի Հանրապետության Մորավսկո-Սիլեզյան երկրամասի միջև: Ստորագրվել է 2014թ. հունվարի 31-ին Պրահայում:
• Փոխըմբռնման հուշագիր Հայաստանի Հանրապետության Կառավարությանն առընթեր պետական եկամուտների կոմիտեի և Չեխիայի Հանրապետության մաքսային գլխավոր տնօրինության միջև համագործակցության մասին: Ստորագրվել է 2014թ. հունվարի 31-ին Պրահայում:
• Փոխըմբռնման հուշագիր Հայաստանի Հանրապետության արտակարգ իրավիճակների նախարարության և Չեխիայի Հանրապետության ներքին գործերի նախարարության միջև աղետների կանխարգելման և վերացման, հրշեջային պաշտպանության և բնակչության պաշտպանության ոլորտում համագործակցության մասին: Ստորագրվել է 2014թ. հունվարի 31-ին Պրահայում:
• «Հայաստանի Հանրապետության աշխատանքի և սոցիալական հարցերի նախարարության և Չեխիայի Հանրապետության աշխատանքի և սոցիալական հարցերի նախարարությունների միջև» փոխըմբռնման հուշագիր /Երևան, 2015թ./
• «Հայաստանի Հանրապետության Տավուշի մարզի և Չեխիայի Հանրապետության Հրադեց Կրալովի երկրամասի միջև համագործակցության մասին» փոխըմբռնման հուշագիր /Պրահա, 2015թ./

Առևտուր և տնտեսական համագործակցություն

Հայաստանի և Չեխիայի միջև առևտրաշրջանառությունը /հազար ԱՄՆ դոլար/

Ներմուծվող հիմնական ապրանքատեսակներ

Չեխիայից Հայաստան ներմուծվում են հրուշակեղեն, գարեջուր,սննդամթերք, դեղամիջոցներ և բժշկական սարքավորումներ, պլաստմասե իրեր, թուղթ, տրիկոտաժ:

Արտահանվող հիմնական ապրանքատեսակներ

Հայաստանից Չեխիա արտահանվում են հիմնականում մոլիբդենի խտանյութ, ֆերոմոլիբդեն, խեցեղեն, փայտե իրեր, ձեռագործ գորգեր, ադամանդի հումք, կահույքի մասեր և այլն:

Թարմացված է  05.04.2019