Ընդհանուր տեղեկություններ

Հայաստանի Հանրապետության և Լեհաստանի Հանրապետության միջև դիվանագիտական հարաբերությունները հաստատվել են 1992թ. փետրվարի 26-ին։ Դիվանագիտական հարաբերություններ հաստատելու վերաբերյալ համաձայնագիրը կնքվել է հայտագրերի փոխանակման ձևով, որոնք ստորագրվել են 1992թ. հունվարի 24-ին Վարշավայում և 1992թ. փետրվարի 26-ին Երևանում:

Վարշավայում Հայաստանի Հանրապետության դեսպանությունը բացվել է 1998թ. ապրիլի 6-ին։

2018թ. փետրվարի 8-ին ՀՀ-ում Լեհաստանի Հանրապետության արտակարգ և լիազոր դեսպան Պավել Չեպլակն իր հավատարմագրերն է հանձնել ՀՀ նախագահ Սերժ Սարգսյանին:

2019թ. հունվարի 9-ին Լեհաստանում ՀՀ արտակարգ և լիազոր դեսպան Սամվել Մկրտչյանն իր հավատարմագրերն է հանձնել ԼՀ նախագահ Անջեյ Դուդային:

Հայ-լեհական տնտեսական համագործակցության միջկառավարական հանձնաժողովը գործում է «Հայաստանի Հանրապետության կառավարության և Լեհաստանի Հանրապետության կառավարության միջև տնտեսական համագործակցության մասին համաձայնագրի» հիման վրա: Հանձնաժողովի առաջին նիստը տեղի է ունեցել 2010թ. հուլիսի 13-ին Երևանում, իսկ նախորդը՝ 2018թ. փետրվարի 19-20-ը Վարշավայում։ 

2012թ. ստեղծվել է Հայ-լեհական ռազմատեխնիկական համագործակցության միջկառավարական հանձնաժողովը։

Այցեր 

Լեհաստան

Հայաստան 

Իրավապայմանագրային դաշտ

Ստորագրված փաստաթղթեր 

ՀՀ և ԼՀ միջև գործում է 9 միջազգային պայմանագիր, ինչպես նաև առկա են իրավաբանական պարտադիր ուժ չունեցող միջազգային բնույթի մի շարք այլ փաստաթղթեր.

• «Հայաստանի Հանրապետության կառավարության և Լեհաստանի Հանրապետության կառավարության միջև մշակութային և գիտական համագործակցության մասին համաձայնագիր», ստորագրվել է 1998թ. հունվարի 27-ին, Վարշավայում, ուժի մեջ է մտել 1999թ. նոյեմբերի 19-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև քաղաքացիական ավիացիայի տրանսպորտի մասին համաձայնագիր», ստորագրվել է 1998թ. հունվարի 27-ին, Վարշավայում, ուժի մեջ է մտել 1999թ. մայիսի 6-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև դիվանագիտական անձնագիր ունեցող անձանց համար մուտքի արտոնագրի փոխադարձ վերացման մասին համաձայնագիր», ստորագրվել է 1998թ. նոյեմբերի 24-ին, Երևանում, ուժի մեջ է մտել 2000թ. հունվարի 1-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև եկամուտների և գույքի հարկերի առնչությամբ կրկնակի հարկումը բացառելու և հարկումից խուսափելը կանխելու մասին կոնվենցիա», ստորագրվել է 1999թ. հուլիսի 14-ին, Վարշավայում, ուժի մեջ է մտել 2005թ. փետրվարի 20-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև զբոսաշրջության բնագավառում համագործակցության մասին համաձայնագիր», ստորագրվել է 1999թ. հուլիսի 14-ին, Վարշավայում, ուժի մեջ է մտել 2000թ. ապրիլի 26-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև պաշտպանության բնագավառում համագործակցության մասին համաձայնագիր», ստորագրվել է 2004թ. սեպտեմբերի 6-ին, Վարշավայում, ուժի մեջ է մտել 2005թ. մայիսի 23-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև հանցավորության դեմ պայքարում համագործակցության մասին համաձայնագիր», ստորագրվել է 2004թ. սեպտեմբերի 6-ին, Վարշավայում, ուժի մեջ է մտել 2005թ. ապրիլի 7-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև տնտեսական համագործակցության մասին համաձայնագիր», ստորագրվել է 2010թ. մարտի 12-ին, Երևանում, ուժի մեջ է մտել 2010թ. հունիսի 16-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև միջազգային ավտոտրանսպորտային փոխադրումների մասին համաձայնագիր», ստորագրվել է 2013թ. հունիսի 25-ին, Վարշավայում, ուժի մեջ է մտել 2013թ. նոյեմբերի 30-ին,
• «Հայաստանի Հանրապետության կառավարության և Լեհաստանի Հանրապետության կառավարության միջև «Հայաստանի Հանրապետության և Եվրոպական Միության միջև՝ առանց թույլտվության բնակվող անձանց հետընդունման (ռեադմիսիայի) մասին» 2013թ. ապրիլի 19-ին Բրյուսելում կնքված համաձայնագրի կիրարկման արձանագրություն», ստորագրվել է 2021թ. հոկտեմբերի 29-ին, Վարշավայում, անցնում է ուժի մեջ մտնելու համար անհրաժեշտ ներպետական ընթացակարգերը:

Առևտրատնտեսական համագործակցություն

Հայաստանի և Լեհաստանի միջև ապրանքաշրջանառության ծավալները (հազ. ամ. դոլար)

ՀՀ արտաքին առևտուրը Լեհաստանի հետ՝ ըստ ապրանքային խմբերի (2020թ. տվյալներ)

Ներմուծվող հիմնական ապրանքատեսակներ 

Կակաո և դրանից պատրաստված մթերք, ցորենից, ալյուրից, օսլայից և կաթից պատրաստված ապրանք, ալյուրից հրուշակեղեն, սննդարդյունաբերության մնացորդներ, պատրաստի անասնակեր, դեղագործական մթերք, եթերային յուղեր, հարդարանքի և լոգարանային միջոցներ, օճառ, մակերեսային ակտիվ օրգանական միջոցներ, մաքրող միջոցներ, քսուկներ, մոմեր և հարդարանքի այլ միջոցներ, պլաստմասսա և պլաստմասե իրեր, ապակի և դրանից իրեր, միջուկային ռեակտորներ, կաթսաներ, էլեկտրական մեքենաներ և սարքավորումներ, ձայնագրող ապարատներ և դրանց մասեր, տարբեր պատրաստի իրեր: 

Արտահանվող հիմնական ապրանքատեսակներ

Բանջարեղենի, պտուղների, ընկույզների և բույսերի մասերի վերամշակումից մթերք, ոգելից և ոչ ոգելից ըմպելիքներ և քացախ, ալյումին և դրանից իրեր, օպտիկական, լուսանկարչական չափիչ, բժշկական կամ վիրաբուժական սարքեր և ապարատներ, դրանց մասեր և հարմարանքներ, այլ տարբեր սննդամթերք: 

Թարմացված է առ՝ 01.05.2022