Երկկողմ հարաբերություններ

Մեքսիկա Մեքսիկա

Ընդհանուր տեղեկություններ

Հայաստանի Հանրապետության եւ Մեքսիկական Միացյալ Նահանգների միջեւ դիվանագիտական հարաբերությունները հաստատվել են 1992թ. հունվարի 14-ին:

2012թ. ապրիլի 2-ից Ամերիկայի Միացյալ Նահանգներում Հայաստանի Հանրապետության արտակարգ եւ լիազոր դեսպան Թաթուլ Մարգարյանը, համատեղության կարգով, նշանակվել է Մեքսիկական Միացյալ Նահանգներում Հայաստանի Հանրապետության արտակարգ եւ լիազոր դեսպան (նստավայրը` Վաշինգտոն):

2016 թվականին ՀՀ նախագահի հրամանագրով Արա Այվազյանը նշանակվել է Մեքսիկայի Միացյալ Նահանգներում Հայաստանի արտակարգ և լիազոր դեսպան  (նստավայրը՝ Մեխիկո)

2013թ. հոկտեմբերի 8-ին ՀՀ-ում Մեքսիկական Միացյալ Նահանգների նորանշանակ դեսպան (նստավայրը` ք. Մոսկվա) Ռուբեն Ալբերտո Բելտրան Գեռերոն իր հավատարմագրերը հանձնեց ՀՀ նախագահ Սերժ Սարգսյանին:

2013թ. դեկտեմբերի 26-ին Գրիգոր Հովհաննիսյանը նշանակվել է Մեքսիկայում ՀՀ արտակարգ եւ լիազոր դեսպան: 2014թ. փետրվարի 14-ին նորանշանակ դեսպանն իր հավատարմագրերն է հանձնել Մեքսիկայի նախագահ Էնրիկե Պենյա Նիետոյին:

2016թ. սեպտեմբերի 23-ին Երևանում կայացել են քաղաքական խորհրդակցություններ Հայաստանի և Մեքսիկայի ԱԳՆ-ների միջև:

2016թ. հոկտեմբերին Մեքսիկայի Պատգամավորների պալատում ձևավորվել է Մեքսիկա-Հայաստան բարեկամական խումբը:

ՀՀ Նախագահի 2017թ. հոկտեմբերի 11-ի հրամանագրով Մեքսիկական Միացյալ Նահանգներում Հայաստանի Հանրապետության դեսպան Արա Այվազյանը, համատեղության կարգով, նշանակվել է Գվատեմալայի Հանրապետությունում Հայաստանի Հանրապետության դեսպան (նստավայրը` Մեխիկո):

Այցեր

Մեքսիկա

1999թ. ապրիլ արտաքին գործերի նախարարի տեղակալ Արմեն Բայբուրդյան
2002թ. օգոստոս արտաքին գործերի նախարար Վարդան Օսկանյան
2012թ. հոկտեմբեր ՀՀ ԱԳ նախարար Էդվարդ Նալբանդյանի պաշտոնական այց
2016թ. նոյեմբեր ՀՀ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանի այց

Իրավապայմանագրային դաշտ

Համաձայնագրեր

  • Համաձայնագիր Հայաստանի Հանրապետության կառավարության եւ Մեքսիկական Միացյալ Նահանգների կառավարության միջեւ կրթության եւ մշակույթի բնագավառում համագործակցության մասին (ստորագրված 2002թ. օգոստոսի 22-ին)
  • Համաձայնագիր Հայաստանի Հանրապետության կառավարության եւ Մեքսիկական Միացյալ Նահանգների կառավարության միջեւ դիվանագիտական եւ պաշտոնական անձնագրեր կրողների համար մուտքի արտոնագրի ռեժիմի վերացման մասին (ստորագրված 2002թ. օգոստոսի 22-ին)

Հուշագրեր

  • Հայաստանի Հանրապետության կառավարության եւ Մեքսիկական Միացյալ Նահանգների կառավարության միջեւ փոխադարձ հետաքրքրություն ներկայացնող խնդիրների շուրջ խորհրդակցությունների մեխանիզմ ստեղծելու վերաբերյալ փոխըմբռնման մասին հուշագիր (ստորագրված 1993թ. դեկտեմբերի 11-ին)
  • Հայաստանի Հանրապետության Արտաքին գործերի նախարարության եւ Մեքսիկական Միացյալ Նահանքների Արտաքին գործերի քարտուղարության միջեւ փոխադարձ հետաքրքրություն ներկայացնող հարցերի վերաբերյալ քաղաքական խորհրդակցությունների անցկացման մասին փոխըմբռնման հուշագիր (ստորագրված 2012թ. հոկտեմբերի 22-ին)։

Առեւտրատնտեսական կապեր

Հայաստանի եւ Մեքսիկայի ապրանքաշրջանառության ծավալները /հազար ԱՄՆ դոլար/

  Արտահանում Ներմուծում (ըստ առեւտուր իրականացնող երկրի)
2009թ. 0.1 2.7
2010թ. 71.3 7411.3
2011թ. - 98.87.3
2012 (առաջին եռամսյակ) - 2756.1
2013թ. (3-րդ եռամսյակ) - 727.7

Ներմուծվող հիմնական ապրանքատեսակներ

Սուրճ, թեյ, չորացված միրգ, ոգելից խմիչքներ

 

Թարմացված է առ 01.08.2018թ.

Տպել էջը