Երկկողմ հարաբերություններ

Իրաք Իրաք

Ընդհանուր տեղեկություններ

Հայաստանի Հանրապետության և Իրաքի Հանրապետության միջև դիվանագիտական հարաբերություններ են հաստատվել 2000թ.: Նույն տարի Բաղդադում բացվել է ՀՀ դեսպանություն, իսկ 2001թ. Երևանում բացվել է ԻՀ դեսպանությունը:

2003թ. Իրաքում սկսած պատերազմի հետևանքով երկու երկրների դեսպանությունները ընդհատեցին իրենց գործունեությունը: 2010թ. հոկտեմբերից Հայաստանը վերաբացեց իր դեսպանությունը Իրաքում, իսկ 2012թ. վերաբացվեց Երևանում Իրաքի դեսպանությունը:

Վերջին տարիներին տեղի են ունեցել մի շարք փոխայցելություններ, գումարվել են միջկառավարական հանձնաժողովների նիստեր և ստորագրվել են մի շարք փաստաթղթեր:

2004-ից Հայաստանը մարդասիրական առաքելություն է իրականացրել Իրաքում` գործուղելով սակրավորներ, բժիշկներ և վարորդներ: 2008թ. հոկտեմբերին Հայաստան վերադարձավ Իրաք գործուղված հայկական խաղաղապահ զորագնդի 8-րդ և վերջին զորախումբը:

2010թ. Հայաստանը վերաբացեց ՀՀ դեսպանությւոնը Բաղդադում:

2014թ. օգոստոսին Իրաքում ՀՀ դեսպան նշանակվեց Կարեն Գրիգորյանը:

2012թ. դեկտեմբերին Իրաքը վերաբացեց դեսպանությունը Երևանում: 

Այցեր

Իրաք

2001թ. ՀՀ ԱԳ նախարար Վարդան Օսկանյան
2006թ. նոյեմբեր ՀՀ պաշտպանության նախարար Սերժ Սարգսյան
2012թ. նոյեմբեր Հայ-իրաքյան միջկառավարական հանձնաժողովի անդրանիկ նիստի անցկացում Իրաքում: Հայկական կողմից միջկառավարական հանձնաժողովը գ;խավորում էր փոխվարչապետ, տարածքայի կառավարման նախարար Արմեն Գևորգյանը:
2014թ. փետրվար ՀՀ ԱԳ նախարար Էդվարդ Նալբանդյանի այց Իրաք
2016թ. հունվար Հայ-իրաքյան միջկառավարական հանձնաժողովի նիստի անցկացում, ՀՀ Տարածքային կառավարման և Արտակարգ իրավիճակների նախարար Արմեն Երիցյանի այց և Հայ-իրաքյան միջկառավարական հանձնաժողովի երրորդ նիստ Բաղդադում

Հայաստան

2012թ. սեպտեմբեր

Իրաքի փոխվարչապետ Ռոզ Նուրի Շաուեյսի գլխավորած պատվիրակությունը

2013թ. հունիս Հայաստանում Իրաքի դեսպան նշանակվեց Ղազի Խալեդ Տահեր
2013թ. նոյեմբեր Հայ-իրաքյան միջկառավարական հանձնաժողովի երկրորդ նիստ Երևանում
2013թ. դեկտեմբեր Իրաքի ԱԳ նախարար Հոշյար Զեբարիի այց
2015թ. փետրվար Iraq Air-ը սկսեց իրականացնել ուղիղ ավիաչվերթեր Բաղդադ-Էրբիլ-Երևան ուղղությամբ:
Չվերթի հանդիսավոր բացմանը Երևան ժամանեց Իրաքի տրանսպորտի նախարար Բակեր ալ-Զուվեյդին
2015թ. օգոտսոս Իրաքյան Քուրդիստանի պլանավորման նախարարի այց Հայաստան
2016թ. ապրիլ Իրաքի նախագահի գլխավոր խորհրդական Աբդել Լատիֆ Ռաշիդի այցը Երևան՝ Ցեղասպանության 101-րդ տարելիցի միջոցառումներին մասնակցելու նպատակով
2017թ. սեպտեմբեր Իրաքի կրթության և գիտական հետազոտությունների նախարար Աբդ ալ Ռազակ Աբդ ալ Ջալիլ ալ Իսայի այց
2017թ. սեպտեմբեր Հայ-իրաքյան միջկառավարական հանձնաժողովի 4-րդ նիստ
Իրաքի գյուղատնտեսության նախարար Ֆալահ Զեյդայի այց
2017թ. հոկտեմբեր-նոյեմբեր Հայ-իրաքյան խորհրդարանական բարեկամության խմբի իրաքյան պատվիրակության այց

Ստորագրված փաստաթղթեր

Արձանագրություն ՀՀ և ԻՀ միջև դիվանագիտական, առևտրատնտեսական կապերի հաստատման նպատակահարմարության մասին 2000թ.

Արձանագրություն դիվանագիտական հարաբերություններ հաստատելու մասին 2000թ.

Փոխըմբռնման հուշագիր ՀՀ և ԻՀ արտաքին գործերի նախարարությունների միջև 2001թ.

Համաձայնագիր «Հայաստանի Հանրապետության Կառավարության և Իրաքի Հանրապետության Կառավարության միջև ներդրումների խրախուսման և փոխադարձ պաշտպանության մասին» 2012թ.

Համաձայնագիր «Հայաuտանի Հանրապետության Կառավարության և Իրաքի Հանրապետության Կառավարության միջև տնտեսական, առևտրական, գիտական և տեխնիկական համագործակցության մասին» 2013թ.

Հայաստանի Հանրապետության և Իրաքի Հանրապետության արտգործնախարարությունների միջև Փոխըմբռնման հուշագիր 2013թ.
 

Առևտրատնտեսական հարաբերություններ

Հայաստանի և Իրաքի միջև ապրանքաշրջանառության ծավալները /հազ. ԱՄՆ դոլար/

  Արտահանում Ներմուծում (ըստ արտահանման) Ներմուծում (ըստ ծագման)
2013թ. 48473.3 28341.1 -
2014թ. 35310.9 16032.1 -
2015թ. 130691.9 1699.1 225.9
2016թ. 137895.9 147.5 71.7
2017թ. 117239.7 201.9 284.9

Ներմուծում

Վառելանյութեր, նավթ, նավթամթերքներ: 

Թարմացված է առ 01.08.2018թ.

Տպել էջը