Ընդհանուր տեղեկություններ

Հայաստանի Հանրապետության և Ալբանիայի Հանրապետության միջև դիվանագիտական հարաբերությունները հաստատվել են 1993թ. փետրվարի 18-ին:

2022թ. հունիսի 7-ին Ալբանիայի Հանրապետությունում Հայաստանի Հանրապետության արտակարգ և լիազոր դեսպան Տիգրան Մկրտչյանն (նստավայրը՝ Աթենք) իր հավատարմագրերն է հանձնել Ալբանիայի Հանրապետության նախագահ Իլիր Մետային:

2022թ. հուլիսի 20-ին Հայաստանի Հանրապետությունում Ալբանիայի Հանրապետության արտակարգ և լիազոր դեսպան Լուելա Հայդարագան (նստավայրը՝ Աթենք) իր հավատարմագրերն է հանձնել Հայաստանի Հանրապետության նախագահ Վահագն Խաչատուրյանին։

Այցեր

Ալբանիա

Իրավապայմանագրային դաշտ

• «Ալբանիայի Հանրապետության արտաքին գործերի նախարարության հայտագիրը Ռուսաստանի Դաշնությունում Հայաստանի Հանրապետության դեսպանությանը` Հայաստանի Հանրապետության հետ դիվանագիտական հարաբերություններ հաստատելու մասին» - 18 փետրվարի 1993թ.
• «Հայաստանի Հանրապետության արտաքին գործերի նախարարության հայտագիրը` ուղղված Ռուսաստանի Դաշնությունում Ալբանիայի Հանրապետության դեսպանությանը, Ալբանիայի Հանրապետության հետ դիվանագիտական հարաբերություններ հաստատելու մասին» - 11 հունիսի 1992թ.
• 2013թ.-ից ալբանական կողմը ազատել է ՀՀ քաղաքացիներին մուտքի արտոնագրի պահանջից:
• 2018թ․ օգոստոսի որոշումը՝ ՀՀ կառավարությունն ընդունել է «Ալբանիայի Հանրապետության քաղաքացիների համար առանց մուտքի վիզայի այցելությունների ռեժիմ սահմանելու մասին»:
• Հուշագիր Հայաստանի Հանրապետության Մրցակցության պաշտպանության հանձնաժողովի և Աբանիայի Մրցակցային Մարմնի միջև մրցակցության օրենսդրության կիրարկման և մրցակցային քաղաքականության ոլորտում համագործակցության մասին: Ստորագրվոլ է 2023թ. Տիրանայում:

Երկկողմ առևտրաշրջանառություն

Հայաստանի և Ալբանիայի միջև ապրանքաշրջանառության ծավալները /հազ. ԱՄՆ դոլար/

Թարմացված է՝ 27.04.2026թ.