Քաղաքական հարաբերություններ

Հայաստանի Հանրապետության և Կանադայի միջև դիվանագիտական հարաբերությունները հաստատվել են 1992 թ. հունվարի 31-ին:

1995 թ. հունվարին ՀՀ-ն դեսպանություն է հիմնել Օտտավայում։

2019 թ․ Կանադայում Հայաստանի արտակարգ և լիազոր դեսպանն է Անահիտ Հարությունյանը: Դեսպան Հարությունյանը Հայաստանը ներկայացնում է նաև Քաղաքացիական ավիացիայի միջազգային կազմակերպությունում (ICAO), որի կենտրոնատեղին Մոնրեալում է:

2020թ․նոյեմբերի 17-ին Հայաստանում Կանադայի դեսպան Էլիսոն ԼըՔլերը (նստավայրը՝ Մոսկվա) իր հավատարմագրերն է հանձնել Հայաստանի Հանրապետության նախագահ Արմեն Սարգսյանին:

1997 թ. Հայաստանում բացվել է Կանադայի պատվավոր հյուպատոսի գրասենյակը, որը 2018 թվականից չի գործում (նախկին պատվավոր հյուպատոս` Արտաշես Էմին):

2019 թ. Հայկ Վան Լափոյանը նշանակվել է Հայաստանի Հանրապետության պատվավոր հյուպատոս Կանադայի Տորոնտո քաղաքում: Պատվավոր հյուպատոսի իրավասության շրջանն ընդգրկում է Կանադայի Օնտարիո նահանգը:

2022 թ. Լևոն Աֆեյանը նշանակվել է Հայաստանի Հանրապետության պատվավոր հյուպատոս Կանադայի Մոնրեալ քաղաքում: Պատվավոր հյուպատոսի իրավասության շրջանն ընդգրկում է Կանադայի Քվեբեկ նահանգը:

Իրավապայմանագրային դաշտ

• Համատեղ հռչակագիր Հայաստանի Հանրապետության և Կանադայի միջև դիվանագիտական հարաբերություններ հաստատելու մասին - ստորագրվել է 1992 թ. հունվարի 31-ին (ք. Պրահա)
• Մտադրությունների արձանագրություն ՀՀ կառավարության և Կանադայի կառավարության միջև կինեմատոգրաֆիայի և աուդիոտեսագրական հարաբերությունների բնագավառում – ստորագրվել է 1998 թ. հունիսի 30-ին (ք. Օտտավա)
• Փոխըմբռնման հուշագիր ՀՀ տրանսպորտի նախարարության և Կանադայի տրանսպորտի դեպարտամենտի միջև տրանսպորտի բնագավառում տեխնիկական փորձի փոխանակման և համագործակցության վերաբերյալ – ստորագրվել է 1999 թ. ապրիլի 7-ին (ք. Երևան)
• Համաձայնագիր ՀՀ կառավարության և Կանադայի կառավարության միջև ներդրումների խրախուսման և փոխադարձ պաշտպանության մասին – ստորագրվել է 1997 թ. մայիսի 8-ին (ք. Օտտավա)
• Համաձայնագիր ՀՀ կառավարության և Կանադայի կառավարության միջև առևտրի և առևտրային գործունեության մասին – ստորագրվել է 1997 թ. մայիսի 8-ին (ք. Օտտավա)
• Կոնվենցիա ՀՀ կառավարության և Կանադայի կառավարության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին – ստորագրվել է 2004 թ. հունիսի 29-ին (ք. Երևան)
• Համաձայնագիր ՀՀ կառավարության և Կանադայի կառավարության միջև ընդունող պետությունում պաշտոնական պարտականություններ կատարող ծառայողների խնամքի տակ գտնվող անձանց աշխատանքի իրավունքի մասին – 2009 թ. կնքվել է հայտագրերի միջոցով և միջազգային պայմանագիր չի հանդիսանում

Այցեր

Կանադա

Հայաստան

Առևտրատնտեսական հարաբերություններ

Հայաստան-Կանադա տնտեսական հարաբերություններին աջակցում է կանադահայ գործարարներից կազմված Հայ-կանադական գործարար խորհուրդը (CABC), որը կոչված է աշխուժացնելու երկկողմ գործարար կապերը տնտեսության տարբեր ոլորտներում: Հայ-կանադական գործարար համագործակցությունը հիմնականում զարգանում է հանքարդյունաբերության, շինարարության, էներգետիկայի, ոսկերչության, բարձր ու տեղեկատվական տեխնոլոգաների և թեթև արդյունաբերության բնագավառներում:

Վերջին տասնամյակում, բացառությամբ 2020-2021 թվականների (COVID-19), Հայաստան-Կանադա ապրանքաշրջանառությունը տարեկան կազմում է մոտ 100 մլն. ԱՄՆ դոլար:

Արտահանվող հիմնական ապրանքատեսակներ

• ադամանդ,
• հագուստ,
• դեղորայք։

Ներմուծվող հիմնական ապրանքատեսակներ

• երշիկեղեն,
• թուղթ,
• մարդատար ավտոմեքենա,
• գործիքներ,
• սարքավորումներ

 Թարմացված է առ 11.03.2022