Ս.թ. մայիսի 2-ին ՀՀ արտաքին գործերի նախարարությունում կազմակերպվեց ընդունելություն` ի պատիվ Երեւանում անցկացվող Ժնեւի միջազգային հարաբերությունների ինստիտուտի «Միջազգային առեւտրային քաղաքականություն եւ Առեւտրի միջազգային կազմակերպություն» խորագիրը կրող դասընթացի մասնակիցների:

Հյուրերին ուղղված ողջույնի խոսքով հանդես եկավ ՀՀ ԱԳ նախարարի տեղակալ Արմեն Բայբուրդյանը:

Դասընթացը կազմակերպվել է Զարգացման եւ համագործակցության շվեյցարական գործակալության օժանդակությամբ` ՀՀ ԱԳ նախարարության հետ համագործակցելով: Այն ընթանալու է ս.թ. ապրիլի 29-ից մայիսի 12-ը:

Դասընթացին մասնակցում են Հայաստանի եւ Վրաստանի պետական տարբեր գերատեսչությունների փորձագետներ:

Հարավային Կովկասում երիտասարդ մասնագետների վերապատրաստմանն ուղղված այս ծրագիրը Երեւանում իրականացվում է երրորդ անգամ: