• Օդային ճանապարհով օտարերկյա քաղաքացիների մուտքը ԱՄՆ բաց է:
• ԱՄՆ չեն կարող մուտք գործել այն օտարերկրացիները, որոնք ԱՄՆ պլանավորած ճամփորդությանը նախորդած

14 օրերի ընթացքում գտնվել են, այդ թվում տարանցիկ, հետևյալ երկրներից որևէ մեկում.

Շենգենյան գոտու երկրներ, Մեծ Բրիտանիա, Իռլանդիա, Իրանի ԻՀ, Չինաստան, Բրազիլիա, Հրվ.Աֆրիկա (բացառություն են կազմում դիվանագիտական վիզայով ճամփորդողները, ԱՄՆ քաղաքացու և մշտական բնակչի ընտանիքի հետևյալ անդամները. կին, ամուսին, մինչև 21տ. չամուսնացած զավակ, մինչև 21 տարեկան չամուսնացած քույր/եղբայր):

Հունվարի 26-ի որոշմամբ ԱՄՆ Հիվանդությունների վերահսկման և կանխարգելման կենտրոնի կողմից հաստատվել է ԱՄՆ մուտք գործելու համար անհրաժեշտ փաստաթղթերի ցանկը՝

• Թռիչքից մինչև 3 օրացույցային օր առաջ հանձնած COVID-19 թեստի բացասական պատասխանի տեղեկանք,
• Վերջին 90 օրվա ընթացքում COVID-19-ից ապաքինված լինելու վերաբերյալ տեղեկանք:

Վերոնշյալ տեղեկանքները պարտադիր են  2 տարեկանից բարձր բոլոր (ԱՄՆ քաղաքացի և օտարերկրյա քաղաքացի) ուղևորների համար, ստուգվում և հաստատվում են ավիաուղիների կողմից, թռիչքից առաջ*: Տեղեկանքի բացակայության, ինչպես նաև COVID-19 թեստի դրական պատասխանի պարագայում ուղևորը չի կարող մասնակցել թռիչքին:

Սկզբնաղբյուր՝ https://travel.state.gov/content/travel.html

​COVID-19 թեստի բացասական պատասխանի, ինչպես նաև COVID-19-ից ապաքինված լինելու տեղեկանքների ձևաչափեր (ավիաընկերությունների համար)՝  CDC Proof of Negative Test Result page:

*Խորհուրդ է տրվում թռիչքից առաջ ծանոթանալ ավիաընկերությունների կողմից կիրառվող սահմանափակումներին, քանի որ ավիաընկերության կողմից, համաճարակով պայմանավորված, այլ սահմանափակումների պարագայում՝ կիրառվում են նաև դրանք:

Աբու Դաբի

Հայաստանը կրկին ներառվել է կանաչ գոտում:

Դուբայ

Դուբայը բաց է օտարերկրացիների համար։

Աբու Դաբի

Ս.թ. սեպտեմբերի 5-ից Աբու Դաբի ժամանող COVID-19 դեմ պատվաստված բոլոր քաղաքացիներն ազատվում են պարտադիր մեկուսացման պայմանից: Միաժամանակ հայտնում ենք, որ Աբու Դաբիի կողմից սահմանված «Կանաչ գոտու» երկրներից ժամանող պատվաստում չունեցող քաղաքացիները պետք է հանձնեն ՊՇՌ թեստ ժամանման առաջին, վեցերորդ և իններոդ օրերը, մինչդեռ «Կանաչ գոտուց» դուրս գտնվող երկրներից չպատվաստված ժամանողների համար 10-օրյա մեկուսացումը մնացել է ուժի մեջ:

Դուբայ

Մուտք գործելու համար անհրաժեշտ է ներկայացնել (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ: Մինչև 12 տարեկան երեխաները, ինչպես նաև միջին և ծանր աստիճանի հաշմանդամություն ունեցողները ազատված են վերոհիշյալ պահանջից:

Ս. թ. սեպտեմբերի 15-ից Հայաստանը հեռացվել է «ցածր ռիսկային» համարվող երկրների ցանկից:

Ավստրիա մուտք գործելիս հարկավոր է գրանցվել  Einreiseformular (Pre-Travel-Clearance) (ptc.gv.at) կայքի միջոցով՝ ժամանելուց առնվազն 72 ժամ առաջ: Գրանցման մասին հավաստումը անհրաժեշտ է ներկայացնել սահմանակետում թվային կամ թղթային տարբերակով: Փաստաթղթի իսկությունը կարող է ստուգվել QR կոդի միջոցով:

Երկիր մուտք գործելիս անհրաժեշտ է ապահովել 3-G կանոնների կիրառումը: 3-G կանոններն են՝ Պատվաստված /կորոնավիրուսային հիվանդության (COVID-19) դեմ ամբողջական պատվաստված՝ երկու դեղաչափ, թեստավորված, վերականգնված/կազդուրված:

ՊՇՌ հետազոտության հավաստագրի վաղեմությունը չպետք է գերազանցի 72 ժամը, իսկ հակագեն /anti-gen/ հետազոտության հավաստագրի վաղեմությունը՝ 48 ժամը: Այնուհետև ժամանելուց հետո անհրաժեշտ է լրացնել ինքնամեկուսացման անցնելու պարտավորություն, ինչից հետո ժամանելու 6-րդ օրը անձը կարող է անցնել ՊՇՌ հետազոտություն։ Բացասական պատասխանի դեպքում թույլ է տրվում դադարեցնել ինքնամեկուսացումը։

Միևյնույն ժամանակ տեղեկացնում ենք, որ ուղևորները, ովքեր կներկայացնեն ամբողջությամբ պատվաստված կամ կազդուրված/ապաքինված/ լինելու մասին հավաստագիր, ազատվում են առցանց գրանցվելու և ինքնամեկուսացման անցնելու պարտադիր պայմաններից: Վերը նշված պայմաններից ազատվում են նաև 12-ից 18 տարեկան երեխաները, ովքեր Ավստրիա կժամանեն ամբողջությամբ պատվաստված չափահաս անձի ուղեկցությամբ և այն անձինք, ովքեր կժամանեն ընտանեկան անկանխատեսելի և անհետաձգելի պատճառներից ելնելով:  

Հավելյալ տեղեկատվություն ստանալու համար կարող եք այցելել.

https://www.bmeia.gv.at/reise-aufenthalt/coronavirus-covid-19-und-reisen/

Համավարակի տարածմամբ պայմանավորված Արգենտինական Հանրապետության կառավարության նոր որոշմամբ մինչև ս.թ. հուլիսի 9-ը, ներառյալ` երկարաձգվել է թիվ 2252/20 որոշմամբ սահմանված սահմանների փակման մասին դրույթը:

Ս.թ. հունիսի 28-ից ուժի մեջ են մտել միգրացիոն և սանիտարական բնույթի նոր սահմանափակումներ։

• Թռիչքների դադարեցում. շարունակվում է կանոնավոր (մուտքային և ելքային) թռիչքների արգելքը՝ Միացյալ Թագավորությունից, Թուրքիայից, Աֆրիկյան մայրցամաքի երկրներից, ինչպես նաև մուտքային թռիչքները Բրազիլիայից, Չիլիից և Հնդկաստանից: Նոր փոփոխության համաձայն այդ ուղղություններով թռիչքները որակվում են «հատուկ թռիչքներ» և կարող են գործարկվել իրավասու մարմինների թույլտվությամբ: Սակայն կոմերցիոն թռիչքներով այդ ուղղություններից Արգենտինա մուտք գործող անձանց թիվը չի կարող գերազանցել օրական 600-ը:
• Ցամաքային սահմաններով մուտքի սահմանափակում. այդ սահմանները նույնպես շարունակվում են փակ մնալ, կարող են բացվել միայն ԱՀ որևէ նահանգի կառավարության առաջարկով՝ բացառության կարգով, արտակարգ իրավիճակներում կամ հումանիտար պատճառներով, և սահմանակից երկրներից անձանց մուտքը ԱՀ տարածք կհամակարգվի Միգրացիայի ազգային տնօրենության և Առողջապահության նախարարության հետ համատեղ՝ կառավարության որոշմամբ սահմանված համապատասխան պահանջներին համաձայն:
• Պարտադիր կարանտին. Արգենտինա մուտք գործելիս հավատարմագրված դիվանագիտական անձնակազմը պետք է պարտադիր 7 օրյա կարանտին պահպանի՝ սկսած մուտք գործելիս հանձնած բացասական արդյունքով թեստից: Մուտքի 7-րդ օրը պետք է հանձնվի երկրորդ թեստը: Շարունակում են գործել հայտարարության ներկայացման (https://www.argentina.gob.ar/interior/migraciones/ddjj-migraciones), մուտքից 72 ժամ առաջ թեստ (բացասական արդյունքով), ճանապարհորդական ապահովագրություն պահանջները: Միաժամանակ, դիվանագիտական անձնակազմի, ընտանիքի անդամի մուտքի մասին պետք է տեղեկացնել ԱՀ արտաքին հարաբերությունների, միջազգային առևտրի և պաշտամունքի նախարարություն մուտքից առնվազն 72 ժամ՝ ներկայացնելով անձնական տվյալներ, անձնագրի պատճեն և համապատասխան մուտքի վիզա:

Բելառուսի Հանրապետության տարածք մուտք գործելու համար Հայաստանի Հանրապետության քաղաքացիները պետք է պարտադիր ունենան 72-ժամյա PCR-թեստի պատասխան։

Տարանցիկ ուղևորները օդանավակայանում պետք է սպասեն բացառապես «տարանցիկ գոտում» (այլապես՝ անհրաժեշտ է ներկայացնել թեստի պատասխանը և ինքնամեկուսանալ՝ անկախ հաջորդ թռիչքի օրից և ժամից): Ցամաքային սահմանով անցնող տարանցիկ ուղևորներին տրվում է 24 ժամ՝ մինչև Բելառուսի Հանրապետության տարածքից դուրս գալը:

Բացառություն՝ դիվանագիտական անձնագրեր կրողները:

Օտարերկրյա քաղաքացիների /երրորդ երկրներից ժամանողների/ ոչ էական ճամփորդությունը Բելգիայի տարածք դեռևս արգելված է:

https://diplomatie.belgium.be/en/services/protocol/covid-19

Բացառություն են կազմում`

1. առողջական խնդիրներ ունեցող,
2. ընտանիքի վերամիավորման,
3. բնակության իրավունք ունեցող օտարերկրյա քաղաքացիները

Դիվանագիտական անձնագրերով կարող են մուտք գործել միայն Բելգիայի ԱԳՆ հատուկ թույլտվություն ստանալու պարագայում՝ ունենալով 72 ժամյա վաղեմության բացասական թեստի պատասխան և առցանց հավելվածից ստացված թույլտվություն /QR code/ և կարող են երկրում գտնվել առավելագույնը 48 ժամով: 48 ժամից ավելի գտնվելու պարագայում ժամանողները պետք է հանձնեն լրացուցիչ թեստ և ինքնամեկուսանան 10 օր ժամկետով, իսկ 7-րդ օրը կրկին պետք է հանձնեն թեստ: Հուլիսի 1-ից՝ կարելի է ներկայացնել նաև ԵՄ կողմից հաստատված պատվաստանյութով (https://ec.europa.eu/info/live-work-travel-eu/coronavirus-response/public-health/eu-vaccines-strategy_en#authorised-vaccines) պատվաստման վերաբերյալ հավաստագիր՝ հաշվի առնելով, որ երկրորդ պատվաստումից հետո անցել է առնվազն 14 օր: Այս դեպքում թեստը պետք է հանձնել ժամանման 1-ն օրը, և բացասական արդյունքի պարագայում ինքնամեկուսացման պահանջ չի ներկայացվում:

Բրազիլիայի կառավարության 2021թ․ հունիսի 23-ի № 655 որոշման համաձայն կորոնավիրուսային հիվանդությամբ (COVID-19) պայմանավորված՝ արգելվում է օտարերկրացիների մուտքը Բրազիլիա ցամաքային և ջրային ճանապարհներով։

Միևնույն ժամանակ բոլոր օտարերկրացիները կարող են մուտք գործել երկիր օդային ճանապարհներով՝ բացառությամբ այն թռիչքների, որոնք սկիզբ են առնում Մեծ Բրիտանիայից, Հարավաֆրիկյան Հանրապետությունից և Հնդկաստանի Հանրապետությունից կամ տրանզիտ են իրականացնում այդ երկրների տարածքով։ Արգելված է նաև այն օտարերկրացիների մուտքը, ովքեր վերջին 14 օրվա ընթացքում այցելել են Մեծ Բրիտանիա, Հարավաֆրիկյան Հանրապետություն կամ Հնդկաստանի Հանրապետություն։

Բրազիլիայի տարածք օդային ճանապարհով մուտք գործելու համար անհրաժեշտ է դեպի Բրազիլիա թռիչքն իրականացնող ավիաընկերությանը ներկայացնել կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ: Սերտիֆիկատը պետք է լինի պորտուգալերեն, իսպաներեն կամ անգլերեն լեզվով։

12 տարեկանից ցածր երեխաները ՊՇՌ հետազոտության կարիք չունեն, եթե նրանց ուղեկցում են նշված հետազոտությունն անցած ծնողները կամ օրինական ներկայացուցիչները։

Անհրաժեշտ է նաև ներկայացնել Ճանապարհորդի առողջության մասին հայտարարագրի լրացման ապացույց՝ տպագիր կամ էլեկտրոնային եղանակով։ Հայտարարագիրը պետք է լրացնել Բրազիլիա թռիչքից առավելագույնը 72 ժամ առաջ հետևյալ հղումով՝ https://formulario.anvisa.gov.br/?lang=en:

ԲՀ առողջապահության նախարարի РД-01-733/27.08.2021թ․ թվակիր հրամանով 2021թ. սեպտեմբերի 1-ից նոյեմբերի 30-ն ընկած ժամանակահատվածի համար սահմանվում է, որ նարնջագույն գոտում գտնվող երկրներից ժամանող անձինք Բուլղարիա մուտք գործելիս պետք է ներկայացնեն պատվաստման, Covid-19-ով հիվանդացած լինելու կամ կատարված թեստի մասին ԵՄ Covid թվային վկայական կամ նույնաբովանդակ այլ փաստաթուղթ, մասնավորապես՝

• պատվաստման մասին վավեր ԵՄ վկայական կամ նույնաբովանդակ փաստաթուղթ, ընդ որում՝ վերջին դեղաչափի ներարկումը պետք է կատարված լինի ԲՀ մուտքին նախորդող 14-օրյա ժամկետից առաջ: Պատվաստման ավարտուն սխեմա է համարվում նշյալ որոշման 3-րդ հավելվածով սահմանված պատվաստանյութերի համապատասխան դեղաչափերի ներարկումը, իսկ որոշման 10.2 հոդվածում սահմանվում են վկայականի բովանդակությանը վերաբերող չափանիշները;
• Covid-ով հիվանդացած լինելու մասին վավեր ԵՄ վկայական կամ նույնաբովանդակ փաստաթուղթ, որը պետք է վավեր լինի ԲՀ մուտքին նախորդող 11-180 օրերի ընթացքում, փաստաթղթի բովանդակությանը վերաբերող պահանջները կարգավորվում են վերոնշյալ որոշման 10.3.1 հոդվածով;
• կատարված թեստի մասին ԵՄ Covid թվային վկայական կամ նույնաբովանդակ այլ փաստաթուղթ` 72 ժամ վավերականությամբ PCR թեստի կամ 48 ժամ վավերականությամբ RAT թեստի բացասական արդյունքի մասին վկայական, որի բովանդակությանը վերաբերող պահանջները կարգավորվում են վերոնշյալ որոշման 10.4 հոդվածով:

ԲՀ տարածք մուտք գործելիս նշյալ որոշմամբ սահմանված փաստաթղթեր ներկայացնելու պահանջից բացառություն կարող են լինել՝

• Ուղևորների միջազգային փոխադրումներում ներգրավված ավտոբուսների վարորդները,
• Բեռնատարների վարորդներն, ովքեր իրականացնում կամ ավարտում են միջազգային բեռնափոխադրումները ԲՀ տարածք մտնելիս;
• Փոխադրող միջոցների անձնակազմերը;
• Դեպի ԲՀ տարածքում գտնվող օդանավակայաններ և դրանցից չվերթներ իրականացնող օդանավերի և դրանց սպասարկող անձնակազմերը;
• Սահմանային աշխատողները՝ անձինք, ովքեր բնակվում են Բուլղարիայում և ամեն օր կամ ոչ պակաս, քան շաբաթական մեկ անգամ հատում են սահմանը՝ մուտք գործելով ԵՄ անդամ պետություն, Թուրքիայի Հանրապետություն, Սերբիայի Հանրապետություն կամ Հյուսիսային Մակեդոնիայի Հանրապետություն՝ ինքնագործ կամ այլ աշխատանք իրականացնելու նպատակով, ինչպես նաև անձինք, ովքեր ապրում են նշյալ պետություններում և նշյալ հաճախականությամբ և նպատակներով այցելում ԲՀ;
• Հունաստանում, Թուրքիայում, Սերբիայում, Հյուսիսային Մակեդոնիայի Հանրապետությունում և Ռումինիայում բնակվող աշակերտները և ուսանողները և հետբուհական կրթություն ստացող անձինք, ովքեր կրթական նպատակներով ամեն օր կամ առնվազն շաբաթը մեկ անգամ այցելում են Բուլղարիա, ինչպես նաև Բուլղարիայում բնակվող և վերոնշյալ երկրներ՝ կրթական նպատակով այցելող աշակերտները, ուսանողները և հետբուհական կրթություն ստացող անձինք;
• ԲՀ տարածքով տարանցում կատարող անձինք, երբ նրանց անմիջապես տարանցումը երաշխավորվում է;
• Մինչև 12 տարեկան երեխաները՝ անկախ ժամանման երկրից;
• Այն պետություններից ժամանող անձինք, որոնց քաղաքացիների, ինչպես նաև կացության կարգավիճակ ունեցող անձանց ազատ տեղաշարժի մասին առկա է փոխադարձ համաձայնություն:

Սահմանի հատումը թույլատրվում է՝ համապատասխան պայմանների բավարարման դեպքում։

Ռիսկային շրջաններից (Հայաստանը կրկին այս ցանկում է 2021թ. սեպտեմբերի 19-ից) քաղաքացիների մուտքը Գերմանիա թույլատրվում է՝ COVID-19-ի դեմ լիարժեք պատվաստման, ապաքինման մասին առավելագույնը 6 ամսվա վաղեմության տեղեկանքի կամ մինչև 48 ժամվա վաղեմության ՊՇՌ թեստի բացասական արդյունքի ներկայացման պայմանով: Երկիր մուտք գործելուց առաջ անհրաժեշտ է նաև առցանց լրացնել մուտքի դիմում: Նշյալ փաստաթղթերի ներկայացումը պարտադիր է 12 տարին լրացած բոլոր քաղաքացիների համար:

(Տե՛ս՝ ԳԴՀ ԱԳՆ, ԳԴՀ ՆԳՆ, ԳԴՀ ԱՆ կայքեր)

Բեռլին երկրամասում կարգավորումների փոփոխությունները հասանելի են Բեռլինի քաղաքապետարանի կայքում, բոլոր երկրամասերի առանձին կարգավորումները հասանելի են ԱԳՆ կայքում ներկայացվող համապատասխան հղումներում:

Օտարերկրյա քաղաքացիների, այդ թվում՝ ՀՀ քաղաքացիների մուտքը օդային, ցամաքային և ջրային սահմաններով թույլատրված է։ ։

Գվատեմալա մուտք գործող արտասահմանյան քաղաքացիները պարտավոր են՝

• Ներկայանցել հակամարմինների կամ ՊՇՌ/PCR (արված ոչ ավել, քան 72 ժամ առաջ) թեստի բացասական արդյունքը հավաստող փաստաթուղթ (վերաբերում է 10 տարեկան և ավելի բարձր տարիքի քաղաքացիներին):
• Ժամանումից առաջ 3 ամսվա ընթացքում COVID-19- ով հիվանդացած լինելու պարագայում՝ անհրաժեշտ է ներկայացնել բուժող բժշկի կամ բուժհաստատության տրամադրված փաստաթուղթը՝ հիվանդության հաստատման օրվա (COVID-19 դրական թեստի արդյունքը ևս պետք է ներկայացվի) և բուժման օրվա նշումներով, ընդ որում հիվանդանդության հաստատման և բուժման օրերի տարբերությունը պետք է լինի նվազագույնը 10 օր։
• COVID-19-ով պատվաստված լինելու պարագայում՝ պատվաստանյութի 2 չափաբաժնի (Johnson&Johnson պատվաստանյութի դեպքում՝ 1 չափաբաժնի) ընդունած լինելու վերաբերյալ սերտիֆիկատ՝ ընդ որում պատվաստանյութի վերջին չափաբաժինը պետք է ընդունված լինի երկիր մուտք գործելուց 2 շաբաթ առաջ։

Աղբյուր՝ https://igm.gob.gt/protocolo-de-ingreso-al-pais-covid19/

03․07․2021-17․07․2021թթ․ Հայաստանը ներառված է դեղին երկրների ցանկում, ինչը նշանակում է, որ Դանիա մուտք գործելիս անհրաժեշտ չէ ունենալ բացառիկ հանգամանք։

Երկիր մուտք գործելիս անհրաժեշտ է ներկայացնել բացասական ՊՇՌ տեստ առավելագույնը 72 ժամ վաղեմության, կամ հակամարմինների թեստ՝ առավելագույնը 48 ժամ վաղեմության։

Աղբյուր՝

https://en.coronasmitte.dk/rules-and-regulations/entry-into-denmark/foreigners-resident-abroad#heading1

https://um.dk/en/about-us/the-protocol-department/news/circular-notes/newsdisplaypage/?newsID=00652C95-07F6-43CA-B46F-844F3F72C8F7

1)Եգիպտոս ժամանող բոլոր օտարերկրացիները պետք է ունենան վարակակիր չլինելու մասին տեղեկանքի բնօրինակը (ՊՇՌ թեստի բացասական պատասխան*) տրված ոչ ուշ քան երկիր մեկնելուց 72 ժամ առաջ։ Ճապոնիայից, Չինաստանից, Թաիլանդից, Հյուսիսային Ամերիկայից, Հարավային Ամերիկայից, Կանադայից, Լոնդոնից (Հիթրո օդանավակայան), Փարիզից, Ֆրանկֆուրտից, Հռոմից, Նոր Զելանդիայից, Ավստրալիայից և Կորեայի Հանրապետությունից ժամանող օտարերկրացիները՝ 96 ժամ առաջ։ Մինչև 6 տարեկան երեխաներից ՊՇՌ թեստի հանձնումը չի պահանջվում։ Շարմ էլ Շեյխ, Թաբա, Հուրգադա և Մարսա Ալամ քաղաքների օդանավակայաններ ուղիղ չվերթով ժամանող օտարերկրացիները ՊՇՌ տեղեկանքի բացակայության պարագայում կարող են հանձնել ՊՇՌ թեստը օդանավակայանում (30 ամ.դ.)։ Այնուհետ հիշյալ օտարերկրացիները մեկուսացվում են իրենց կողմից ամրագրված հյուրանոցային սենյակներում մինչև ՊՇՌ թեստի բացասական պատասխանի ստացումը։

* ՊՇՌ տեղեկանքը պետք է լինի լրացված անգլերեն կամ արաբերեն, թեստի տեսակը պետք է լինի «RT-PCR»․

2) Եգիպտոս կարող են ժամանել պատվաստված քաղաքացիները։ Pfizer, AstraZeneca, Moderna, Sinopharma, Sinovac, Sputnik պատվաստանյութերի պարագայում՝ երկրորդ չափաբաժինը ստանալուց 14 օր հետո։ Johnson & Johnson պատվաստանյութի պարագայում՝ առաջին չափաբաժինը ստանալուց 14 օր հետո։ 

• Սթ. հունիսի 7-ից Եթովպիա ժամանող երկրից դուրս եկող և տարանցիկ ուղևորները պետք է ներկայացնեն COVID 19 թեստի բացասական արդյունքի թվային վկայագիր (digital certificate), հիմնված Africa Trusted Travel Guidelines (africacdc.org/trusted-travel) և / կամ Global Haven Program (www.globalhaven.org) հաստատությունների կողմից տրամադրվող տեղեկության վրա: Թղթե վկայագրերը վավեր չեն 2021թ. հունիսի 7-ից:
• Եթովպիա ժամանող և տարանցիկ ուղևորները, որոնց մեկնման երկրները չեն միացել Trusted Travel Initiative ծրագրին պետք է օգտագործեն UNDP-ի կողմից հովանավորվող Global Haven Partnership ներբեռնող ծրագիրը, որը հասանելի է http://www.globalhaven.org կամ  trustedtravel.panabios.org կայքերում։
• Նոր համակարգի ներմուծումը պայմանավորված է մեծաթիվ կեղծ վկայագրերով:
• Բոլե / Ադիս Աբեբա/ միջազգային օդանավակայան ժամանող ուղևորները ջերմաչափվում են և ենթարկվում են մանրակրկիտ զննման, ներառյալ հարցաքննություն վերջին ճամփորդությունների մասին:
• Տարանցիկ ուղևորները պետք է ունենան հաջորդ ուղևորության պատրաստ տոմսեր։ Հակառակ դեպքում՝ նրանք կարող են ենթարկվել մեկուսացման իրենց հաշվին։ Եթե հաջորդ չվերթը նախատեսված է Եթովպիա ժամանելուց հետո հաջորդ օրը, ապա տարանցիկ ուղևորները փոխադրվում են իրենց հաշվին գիշերելու հատկացված կեցավայր:

Գործող կարգի համաձայն՝ օտարերկրյացիների մուտքի սահմանափակումները չեն տարածվում այն երկրների նկատմամբ, որոնք ներառվել են երրորդ երկրների ԵՄ ցուցակում, որոնց քաղաքացիների վրա չպետք տարածվի դեպի ԵՄ «ոչ կենսական» ուղևորությունների համար արտաքին սահմանների ժամանակավոր սահմանափակումները։

Հայաստանի Հանրապետությունը ներառված է Եվրոպական խորհրդի կողմից ս․թ․ հուլիսի 01-ին ընդունված խորհրդատվական փաստաթղթի հավելվածի 1-ի ցանկում, և ըստ այդմ ՀՀ քաղաքացիների վրա չի տարածվում է Էստոնիա մուտքի սահմանափակումները։

Սույն կարգն ուժի մեջ է ս․թ․ հուլիսի 19-ից։

Էստոնիա մուտք գործելու համար ներկայումս ՀՀ քաղաքացիներին անհրաժեշտ չէ COVID-19 ՊՇՌ թեստի բացասական պատասխան, ինքնամեկուսացում կամ ԵՄ տարածքում ճանաչված պատվաստանյութերով պատվաստման ապացույց:

Բաց է՝ ստորև նշված սահմանափակումներով և պարտադիր կանոների պահպանման դեպքում։

Հետևյալ պետությունների և տարածքների քաղաքացիներն ազատված են ԹՀ մուտք գործելիս SARS-Cov-2 PCR թեսթի բացասական արդյունքը հավաստող փաստաթուղթ ներկայացնելու պահանջից՝ ՉԺՀ, Հոնկոնգ, Թայվան, Վիետնամ, Ավստրալիա, Նոր Զելանդիա, Սինգապուր, Թայլանդ, Հարավային Կորեա, Իսրայել, Ճապոնիա, ՄԹ, Լատվիա, Լյուքսեմբուրգ, Ուկրաինա և Էստոնիա։ 

ԹՀ ժամանող 6 տարեկանից բարձր բոլոր անձինք պետք է ներկայացնեն վերջին 72 ժամվա ընթացքում արված SARS-Cov-2 PCR թեսթի բացասական արդյունքը հավաստող փաստաթուղթ (սկսած 2020թ. դեկտեմբերի 28-ից՝ օդային սահմանային անցակետերում և 2020թ. դեկտեմբերի 30-ից՝ ցամաքային ու ծովային անցակետերում)։ Այն անձինք, ովքեր չեն ունենա SARS-Cov-2 PCR թեսթի բացասական պատասխան կարգելվեն նստել ինքնաթիռ, իսկ ցամաքային սահմաններով ժամանողների մոտ բացասական պատասխանի բացակայության պարագայում վերջիններս կենթարկվեն կարանտինի։

ԹՀ մեկնել պատրաստվող բոլոր այցելուները պետք է մինչև մեկնելը 72 ժամվա ընթացքում լրացնեն առցանց համապատասխան ճանապարհորդական հարցաթերթիկ, որն ավտոմատ գեներացնում է անձնական կոդ (HES code)։ Հարցաթերթիկը հասանելի է հետևյալ հղումով՝ https://register.health.gov.tr/ ։

ԹՀ ժամանող զբոսաշրջիկներն ազատված են համավարակով պայմանավորված ԹՀ տարածքում գործող սահմանափակումներից (օր՝ ներքաղաքային և միջքաղաքային տեղաշարժ, պարետային ժամ)։ 

2020թ. մարտի 20-ից գործում է օտարերկրյա քաղաքացիների (բացառությամբ՝ դիվանագիտական ներկայացուցչությունների անձնակազմի և դեսպանընկալ երկրի կառավարության որոշումներով սահմանվող մասնավոր դեպքերի) Թուրքմենստան մուտքի արգելք։ Վերջիններիս ելքի սահմանափակումներ չեն գործում։

Ներկայում դեպի Թուրքմենստան և Թուրքմենստանից որևէ ուղղությամբ կանոնավոր ուղևորափոխադրումներ չեն իրականացվում: Կանոնավոր չվերթների իրականացման սահմանափակումները շարունակում են ուժի մեջ մնալ մինչ դրանց վերացման մասին պաշտոնական հայտարարության տարածումը։

Երկիր մուտք գործող քաղաքացիներից պահանջվում է ներկայացնել կորոնավիրուսային վարակի բացակայությունը հավաստող և առավելագույնը 72 ժամ առաջ տրված բժշկական տեղեկանք և պատվաստված լինելը հավաստող տեղեկանք (առկայության դեպքում)։ Դեսպանընկալ երկիր ժամանելուն պես իրականացվում է քաղաքացիների մոտ կորոնավիրուսի առկայության ՊՇՌ թեստավորում։ Դիվանագիտական կամ համարժեք կարգավիճակ չունեցող ժամանող քաղաքացիներից պահանջվում է նաև անցնել պարտադիր 21-օրյա կարանտին մասնագիտացված բժշկական հաստատություններում։

Համաձայն Իսրայելի կառավարության 07.02.2021թ. որոշման օդային ճանապարհով Իսրայել ժամանող բոլոր օտարերկրյա քաղաքացիները իրավունք կունենան մուտք գործել երկիր միայն Բացառությունների Կոմիտեի թույլատրության պարագայում: 

Մինչև 2021թ. փետրվարի 21-ը Իսրայել ժամանող բոլոր ուղևորները պարտավոր են անցնել 14 օրյա ինքնամեկուսացում պետության կողմից մատնանշված հյուրատներում: Հնարավորություն կա ինքնամեկուսացման 14 օրը փոխարինել 10-ի, եթե անձը համաձայն նախապես կազմված ժամանակացույցի երկու անգամ հանձնում է COVID-19- թեստ և դրանց արդյունքները լինում են բացասական:

Իսրայել ժամանելու համար հարկավոր է.

• Բացառությունների Կոմիտեի թույլտվություն,
• Իսրայել ժամանելուց առաջ ուղևորը պարտավոր է ավիափոխադրող ընկերության աշխատակցին ներկայացնել ոչ ավել քան 72 ժամ վաղեմություն ունեցող COVID-19-ի PCR բացասական արդյուքով թեստի պատասխան:
• Այն ուղևորները, ովքեր ժամանում են Իսրայել և ենթակա են պարտադիր ինքնամեկուսացման պետք է լրացնեն Ժամանող ուղևորի հայտ, ոչ ուշ քան թռիչքից 24 ժամ առաջ:
• Ուղևորները պարտավոր են թույլատվությունը տպված ունենալ իրենց մոտ և օդանավակայանում ներկայացնել համապատասխան պաշտոնյային:
• Կորոնավիրուսային ինֆեկցիայի դեմ պատվաստում ստացած կամ էլ վերջին 90 օրերի ընթացքում կորոնավիրուսով վարակված ուղևորները, ովքեր կներկայացնեն համապատասխան փաստաթղթեր կազատվեն պարտադիր ինքնամեկուսացման պահանջից:

ԾԱՆՈԹՈՒԹՅՈՒՆ։

https://www.gov.il/en/departments/guides/flying-to-israel-guidlines?chapterIndex=1

A խմբի երկրներ

Սահմանափակումներ չկան

B խմբի երկրներ

Սույն խմբի երկրներ/ից մուտքն ու ելքը թույլատրվում է առանց հիմնավոր պատճառի առկայության

C խմբի երկրներ (Սույն խմբում սովորաբար ներառվում են հիմնականում ԵՄ երկրները)

Սույն խմբի երկրներ/ից մուտքն ու ելքը թույլատրվում է առանց հիմնավոր պատճառի առկայության

D խմբի երկրների համար

Սույն խմբի երկրներ/ից մուտքն ու ելքը թույլատրվում է առանց հիմնավոր պատճառի առկայության

/Այս պահի դրությամբ Հայաստանը ներառված է այս խմբում/

E խմբի երկրների համար

Սույն խմբի երկրներ/ից մուտքն ու ելքը զբոսաշրջության նպատակներով արգելված է:

(A խումբ)

սահմանափակումներ չկան

(B խումբ)

Իտալիա մուտք գործելու համար /նաև տարանցիկ/ հարկավոր է ներկայացնել՝

• տեղաշարժի վերաբերյալ առցանց լրացված թերթիկ /Passenger Locator Form digital(dPLF)  https://app.euplf.eu/

(C խումբ)

Իտալիա մուտք գործելու համար /նաև տարանցիկ/ հարկավոր է ներկայացնել՝

• տեղաշարժի վերաբերյալ լրացված հարցաթերթիկ՝ թվային կամ թղթային տարբերակով /Passenger Locator Form digital(dPLF)  https://app.euplf.eu//

Պատվաստման վերաբերյալ տեղեկանք (Green Pass). տեղեկանքի բացակայության դեպքում՝ 5-օրյա ինքնամեկուսացում նախապես լրացված հարցաթերթիկում նշված հասցեում, իսկ ինքնամեկուսացման ավարտին՝ անտիգենային կամ մոլեկուլային /PCR/ թեստի հանձնում։

(D խումբ)

Իտալիա մուտք գործելու համար /նաև տարանցիկ/ հարկավոր է ներկայացնել՝

• տեղաշարժի վերաբերյալ լրացված հարցաթերթիկ՝ թվային կամ թղթային տարբերակով /Passenger Locator Form digital(dPLF)  https://app.euplf.eu//
• առավելագույնը 72 ժամ վաղեմության COVID-19 անտիգենային կամ մոլեկուլային /PCR/ հետազոտության բացասական արդյունքը հավաստող սերտիֆիկատ
• պահպանել 5-օրյա ինքնամեկուսացում՝ նախապես լրացված հարցաթերթիկում նշված հասցեում
• ինքնամեկուսացման վայր հասնելու համար օգտվել միայն մասնավոր տեղաշարժման միջոցից
• ինքնամեկուսացման ավարտին հանձնել անտիգենային կամ մոլեկուլային /PCR/ թեստ։

(E խումբ)

Իտալիա մուտք գործելու համար /նաև տարանցիկ/ բացառություն են կազմում հետևյալ հատուկ դեպքերը՝

1. աշխատանքային անհրաժեշտություն, b. ծայրահեղ անհրաժեշտություն,
2. բուժման նպատակով, d. ուսման նպատակով
3. վերադարձ բնակության վայր /հաշվառման կամ փաստացի/
4. ԵՄ, Շենգեն գոտու երկրների, Անդորրայի, Մոնակոյի Իշխանության, Վատիկանի քաղաք-պետության և Սան Մարինոյի Հանրապետության քաղաքացիներին
5. «f» կետում նշված ֆիզիկական անձանց ընտանիքի երրորդ երկրների քաղաքացի հանդիսացող անդամները
6. երրորդ երկրների քաղաքացիները, ովքեր հաշվառված /գրանցված/ են Իտալիայում և ունեն երկարաժամկետ բնակության թույլտվություն
7. «h» կետում նշված ֆիզիկական անձանց ընտանիքի անդամները
8. այն անձին, ով «f» և «h» կետերում նշված ֆիզիկական անձի հետ ունի կայուն և ապացուցելի զգացմունքային կապ (proven and stable emotional relationship) /նաև համատեղ չբնակվող/ և մուտք է գործում այդ անձի բնակավայր հասնելու համար:

*Նշված բացառություններից մեկի /մի քանիսի/ հիման վրա Իտալիա մուտք գործելուց հետո անհրաժեշտ է.

- տեղաշարժի վերաբերյալ առցանց լրացված թերթիկ /Passenger Locator Form digital (dPLF)  https://app.euplf.eu//

 - առավելագույնը 72 ժամ վաղեմության COVID-19 անտիգենային կամ մոլեկուլային /PCR/ հետազոտության բացասական արդյունքը հավաստող սերտիֆիկատ

- պահպանել 10-օրյա պարտադիր ինքնամեկուսացում

 - ինքնամեկուսացման վայր հասնելու համար օգտվել միայն մասնավոր տեղաշարժման միջոցից

 - ինքնամեկուսացման ավարտին պարտադիր հանձնել անտիգենային կամ մոլեկուլային /PCR/ թեստ։

Օտարերկրյա քաղաքացիներին ժամանակավորապես արգելվում է մուտք գործել Ինդոնեզիա, բացառությամբ.

• Դիվանագիտական կամ պաշտոնական վիզայի կրող անձանց՝ պաշտոնական (նախարարական) այցի կամ ավելի բարձր մակարդակի այցի համար
• Ինդոնեզիայի կացության թույլտվություն ունեցող անձանց (ITAS, ITAP, ABTC, դիվանագիտական/ծառայողական վիզա)
• Վավեր վիզա ունեցող անձանց
• Օդանավի անձնակազմի

Ինդոնեզիայի քաղաքացիներն ազատվում են արգելքներից։

1. Երկրի ներսում ճամփորդելու համար պարտադիր է վակցինացիայի գոնե մեկ ներարկման վերաբերյալ տեղեկանքի ներկայացում:
2. Ի լրումն վակցինացիայի վերաբերյալ պարտադիր պահանջի, դեպի Ճավա և Բալի ճամորդությունների ժամանակ անհրաժեշտ է ներկայացնել 2x24 ժամվա վաղեմության արագ ՊՇՌ թեստի բացասական արդյունքով տեղեկանք, իսկ մյուս ուղղությունների համար՝ 1x24 ժամվա վաղեմության արագ անտիգեն թեստի բացասական պատասխանը հավաստող փաստաթուղթ:
3. Երկիր ժամանողները պետք է պարտադիր ունենան լիարժեք վակցինացման վերաբերյալ տեղեկանք՝ ըստ տվյալ երկրի վակցինացման սերտիֆիկացման պահանջների:
4. Ի լրումն վակցինացիայի վերաբերյալ փաստաթղթի, ժամանողները պետք է ներկայացնեն 3 x 24 ժամվա վաղեմության ՊՇՌ թեստի բացասական արդյունքով փաստաթուղթ, ժամանելուց հետո մեկուսանան կառավարության կողմից հաստատված հյուրանոցներում 8 օր, որի ընթացքում ժամանման առաջին օրը և վերջին օրը ՊՇՌ թեստ պետք է հանձնեն, որոնց բացասական արդյունքի դեպքում միայն կարող են մուտք գործել երկիր կամ շարունակել ճամփորդությունը դեպի վերջնական կետ:
5. Ինդոնեզիայի տարածքը լքող օտարերկրացիները, ովքեր ներքին թռիչքներ չեն կատարել կամ մեկնում են Ջակարտայից, ազատված են վակցինացիայի վերաբերյալ փաստաթուղթ ներկայացնելուց:
6. 12 տարեկանից ցածր տարիքի օտարերկրացիները, ովքեր ճամփորդում են ծնողների հետ և մուտք են գործում Ինդոնեզիայի տարածք կամ ճամփորդում են երկրի ներսում, ազատված են վակցինացիայի վերաբերյալ փաստաթղթի ներկայացումից:
7. Բժշկական նկատառումներից ելնելով վակցինացիայի չենթարկվող օտարերկրացիներն ազատվում են միջազգային կամ տեղական թռիչքների համար վակցինացիայի վերաբերյալ փաստաթղթի ներկայացումից, եթե բժշկի կողմից առողջական հավաստագիր/բժշկական տեղեկանք է ներկայացնում, որում նշվում է, որ անձը չի կարող ենթարկվել ԿՈՎԻԴ վակցինացիայի:
8. Օդանավերի կամ նավերի անձնակազմերն, որոնք մտադիր են լքել Ինդոնեզիայի տարածքը, ազատված են վակցինացիայի վերաբերյալ տեղեկանքի ներկայացումից, սակայն պետք է ներկայացնեն առողջապահական պրոտոկոլով պահանջվող այլ փաստաթղթերը:
9. Այն օտարերկրացիները, ովքեր վակցինացված չեն և մտադիր են լքել Ինդոնեզիայի տարածքը, սակայն կարիք ունեն ներքին թռիչք իրականացնել՝ միջազգային թռիչքի ելման կետին հասնելու նպատակով, ազատվում են վակցինացիայի վերաբերյալ փաստաթղթի ներկայացումից, եթե չեն լքում օդանավակայանի տարածքը տարանցման ժամանակ, միջազգային թռիչքին սպասելիս, միաժամանակ բավարարելով հետևյալ պահանջներին.

• ստանան թույլտվություն մեկնման վայրի Կայանային առողջապահական իշխանություններից, որը թույլ կտա կատարելու ներքին թռիչք՝ Ինդոնեզիայից մեկնող թռիչքին հասնելու նպատակով,
• գործող տոմս, որը ցույց է տալիս Ինդոնեզիան լքող թռիչքի ողջ երթուղին՝ ուղիղ տարանցմամբ:

10. 60 տարեկանից բարձր օտարերկրացիները, ուսուցիչները և կրթական հաստատությունների անձնակազմը, որոշակի մասնագիտությունների օտարերկրացիները կարող են մասնակցել ազգային վակցինացման ծրագրին՝ ներկայացնելով իրենց անձնագիրը և կացության իրավունքը հաստատող փաստաթուղթը:

2021թ. մայիսի 18-ից COVID-19 համավարակով պայմանավորված՝ Հայաստանը հեռացվել է Իռլանդիայի «Կարմիր ցանկից» (List of Designated countries)։ Ներկայումս Հայաստանից Իռլանդիա ժամանողները, որոնք ամբողջությամբ պատվաստված են Եվրոպական բժշկական գործակալության կողմից հաստատված պատվաստանյութով կամ կունենան հիմնավոր վկայություն, որ վերջին 180 օրվա ընթացքում ապաքինվել են COVID-ից, ազատվելու են ինքնամեկուսացումից։  

Իռլանդիա ժամանողներն այն երկրներից, որտեղ չի գործում Արագ արգելակման մեխանիզմ (Հայաստանը ներկայումս այդ ցանկում է) պետք է՝

- Ներկայացնեն COVID-19 ՊՇՌ թեստի 72-ժամյա վաղեմության բացասական արդյունքը հավաստող փաստաթղթի առկայությունը և COVID-19 Passenger Locator Form լրացված հատուկ ձևը։

- Ինքնամեկուսացվեն 14 օրով,

- Ամրագրեն եւ հանձնեն COVID-19 ՊՇՌ անվճար թեստ՝ Իռլանդիա ժամանելուց առնվազն 5 օր հետո: Հնարավորություն է սահմանվում նաեւ դուրս գալ ինքնամեկուսացումից, եթե թեստի պատասխան է բացասական է։ 

Անհրաժեշտ է հաշվի առնել, որ Ռուսաստանի Դաշնությունը ներկայումս գտնվում է Իռլանդիայի «Կարմիր ցուցակում» (Designated State)՝ հետեւաբար, այդ երկրում վերջին 14 օրվա ընթացքում գտնվողները եւ տրանզիտով ճամփորդողները ենթարկվելու են 14 օրվա պարտադիր հյուրանոցային մեկուսացմանը, եւ հյուրանոցը պետք է ամրագրվի նախապես։

https://www.gov.ie/en/campaigns/75d92-covid-19-travel-advice/

Երևանում գործող BLS International Armenia Իսպանիայի վիզաների կենտրոնը ս․թ․ հուլիսի 14-ից վերսկսել է մուտքի արտոնագրերի տրամադրումը Հայաստանից Իսպանիա մեկնել ցանկացող զբոսաշրջիկներին։

Իսպանիա մուտք գործելիս պատվաստված լինելը պարտադիր չէ, բավարար է ներկայացնել ՊՇՌ թեստի բացասական արդյունքը։

Ճամփորդելու սահմանափակումները շարունակվում են երրորդ երկրների քաղաքացիների համար, այդ թվում Հայաստանի Հանրապետության քաղաքացիների համար։

Ռիսկային երկրներից Իսլանդիա ժամանողները պետք է հանձնեն 2 թեստ․ առաջինը երկիր ժամանելուց, երկրորդ՝ 5 օրից, կամ ինքնամեկուսանան 14 օր։ Թեստերի միջև ընկած 5 օրվա ընթացքում անձինք պետք է մեկուսանան։ 

Իսլանդիա ժամանողները պետք է  Իսլանդիա ժամանելուց առնվազն 72 ժամ առաջ գրանցվեն՝ https://visit.covid.is/ հղումով։

Իսլանդիա ժամանելու իրավունք ունեն՝

1-Իսլանդիայի քաղաքացիները և նրանց ընտանիքի անդամները

2- Եվրոպական տնտեսական գոտու երկրների և եվրոպական ազատ առևտրի կազմակերպության անդամ երկրների քաղաքացիները և նրանց ընտանիքի անդամները,

3- Անդորրայի, Մոնակոյի, Սան Մարինոյի, Վատիկանի քաղաքացիները և նրանց ընտանիքի անդամները

4- Իսլանդիայում բնակության թույլտվություն ունեցող անձինք և նրանց ընտանիքի անդամները

5- Եվրոպական տնտեսական գոտու երկրների և եվրոպական ազատ առևտրի կազմակերպության անդամ երկրներում բնակության թույլտվություն ունեցող անձինք և նրանց ընտանիքի անդամները

6- Անդորրայում, Մոնակոյում, Սան Մարինոյում, Վատիկանում բնակության թույլտվություն ունեցող անձինք  և նրանց ընտանիքի անդամները

7- Ավստրալիայում․ Նոր Զելանդիայում, Ռուանդայում, Սինգապուրում, Հարավային Կորեայում և Թայլանդում բնակվող անձինք, կամ այն օտարերկրացիները, ովքեր ճամփորդում են այդ երկրներից

Մուտքի արգելքը չի տարածվում նաև հետևյալ անձանց վրա

• Օդանավակայանում տարանցիկ ուղևորներ,
• Առողջապահության ոլորտում աշխատողներ և տարեցների խնամք իրականացնող անձինք,
• Ապրանքների և ծառայությունների փոխադրման համար պատասխանատու աշխատողներ,
• Միջազգային պաշտպանության կարիք ունեցող անհատներ,
• Անհատներ, ովքեր ճանապարհորդում են լուրջ ընտանեկան միջադեպի պատճառով,
• Անհատներ և պատվիրակություններ, ովքեր երկիր են մեկնում Իսլանդիայի կառավարության հովանու ներքո, դիվանագիտական առաքելությունների աշխատակազմ. և օտարերկրյա պետությունների այլ ներկայացուցիչներ. միջազգային կազմակերպության անձնակազմը և նրանց հյուրերը, ովքեր այդ կազմակերպությունների գործունեության պատճառով պետք է մեկնեն Իսլանդիա, ռազմական ծառայողներ, ովքեր Իսլանդիա են մեկնում հերթապահության. հումանիտար օգնության աշխատողներ; քաղաքացիական պաշտպանության աշխատակազմ; և վերոհիշյալ անձանց ընտանիքի անդամները,
• Ուսանողները,
• Այն անձինք, ովքեր ըստ էության կարիք ունեն Իսլանդիա մեկնել գործարար նպատակներով կամ այնպիսի բնույթի աշխատանքով, որը հնարավոր չէ հետաձգել կամ կատարել արտերկրում:

Աղբյուր՝

https://www.logreglan.is/english/regarding-travel-restrictions-to-iceland-as-a-result-of-covid-19/

Օդային սահմանը բաց է օտարերկրացիների, այդ թվում նաև ՀՀ քաղաքացիների համար։

Ցամաքային սահմանը փակ է ՀՀ քաղաքացիների՝ ԻԻՀ մուտքի համար։

ԻԻՀ մուտք գործելիս օտարերկրացիները, այդ թվում նաև ՀՀ քաղաքացիները պետք է ունենան 96 ժամ վաղեմության COVID-19-ի բացասական արդյունքով թեստ։

Բաց է օդային և ցամաքային ճանապարհով։

Իրաք մուտք գործելու համար անհրաժեշտ է ունենալ 72 ժամ առաջ կատարված COVID-19 թեստի բացասական պատասխան օտարերկրյա բոլոր քաղաքացիների համար: Այն երկրները, որոնք Իրաքի քաղաքացիներից երկիր մուտք գործելու համար կպահանջեն պատվաստումը հավաստող սերտիֆիկատ, Իրաքը փոխադարձություն սկզբունք կկիրառի տվյալ երկրների քաղաքացիների նկատմամբ։

Իրաքյան Քուրդիստան

21.07.2021

Ստորև նշված ռեժիմը պահելու դեպքում որևէ սահմանափակումներ նախատեսված չեն։

Այցելուները Իրաքյան Քուրդիստանի օդանավակայաններում պետք է СOVID-19 թեստ հանձնեն, որի վճարը կազմում է 60,000 իրաքյան դինար (≈$41)։

Իրաքյան Քուրդիստան հնարավոր կլինի մուտք գործել`

- վերջին 48 ժամվա ընթացքում արված PCR թեստի բացասական պատասխանի առկայության, որի դեպքում տեղում թեստավորում չի պահանջվի, կամ

- պատվաստման երկրորդ դեղաչափը  հավաստող սերտիֆիկատի առկայություն, որի դեպքում տեղում թեստավորում չի պահանջվի։

Դիվանագիտական անձնագիր կրող անձանց համար թեստն անվճար է։ Դրական արդյունքի դեպքում ստորագրվում է փաստաթուղթ 14-օրյա ինքնամեկուսացման մասին, որի խախտումն առաջացնում է 1 մլն իրաքյան դինարի տուգանք։

Լատվիայի կառավարության որոշման համաձայն՝ օտարերկրյացիների մուտքի սահմանափակումները չեն տարածվում այն երկրների նկատմամբ, որոնք ներառվել են երրորդ երկրների ԵՄ ցուցակում, որոնց քաղաքացիների վրա չպետք տարածվի դեպի ԵՄ «ոչ կենսական» ուղևորությունների համար արտաքին սահմանների ժամանակավոր սահմանափակումները։

Հայաստանի Հանրապետությունը ներառված է Եվրոպական խորհրդի կողմից ս․թ․ հուլիսի 01-ին ընդունված խորհրդատվական փաստաթղթի հավելվածի 1-ի ցանկում, և ըստ այդմ ՀՀ քաղաքացիների վրա չի տարածվում է Լատվիա մուտքի սահմանափակումները։

Սույն որոշումն ուժի մեջ է ս․թ․ հուլիսի 17-ից։

Լատվիա մուտք գործելու համար ՀՀ քաղաքացիներին պահանջվում է 72 ժամվա ընթացքում արված COVID-19 ՊՇՌ թեստի բացասական պատասխան կամ COVID-19-ով վարակված և ապաքինված լինելու վերաբերյալ փաստաթուղթ կամ ԵՄ տարածքում ճանաչված պատվաստանյութերով պատվաստման ապացույց:

Բացի այդ, Լատվիա մուտք գործելու համար մեկնումից առնվազն 48 ժամ առաջ անհրաժեշտ է լրացնել առողջության հարցաթերթիկը և ունենալ վավեր QR կոդ: 

Լեհաստանի Հանրապետության (ԼՀ) ցամաքային և օդային սահմանները բաց են ստորև նշված ախտարգելային (կարանտինային) սահմանափակումների կանոնների կիրառմամբ։

Կարանտինային սահմանափակումները վերաբերում են բոլոր այն անձանց, ովքեր հատել են ԼՀ պետական սահմանը՝ ժամանելով Եվրոպական միության (ԵՄ) արտաքին սահմանների և Շենգենյան գոտու կամ Եվրոպական տնտեսական տարածքին (ԵՏՏ/EEA) պատկանող երկրներից:

Շենգենյան գոտուց (ներառում է ԵՄ 22 երկիր՝ Ավստրիա, Բելգիա, Գերմանիա, Դանիա, Էստոնիա, Իսպանիա, Իտալիա, Լատվիա, Լեհաստան, Լիտվա, Լյուքսեմբուրգ, Հունաստան, Հունգարիա, Մալթա, Նիդեռլանդներ, Շվեդիա, Չեխիա, Պորտուգալիա, Սլովակիա, Սլովենիա, Ֆինլանդիա, Ֆրանսիա և ԵՄ անդամ չհանդիսացող 4 երկրներ՝ Իսլանդիա, Լիխտենշտեյն, Շվեյցարիա, Նորվեգիա) կամ ԵՏՏ/EEA երկրներից (ներառյալ՝ Ավստրիա, Բելգիա, Բուլղարիա, Գերմանիա, Դանիա, Էստոնիա, Իռլանդիա, Իսլանդիա, Իսպանիա, Իտալիա, Լատվիա, Լեհաստան, Լիտվա, Լիխտենշտեյն, Լյուքսեմբուրգ, Խորվաթիա, Կիպրոս, Հունաստան, Հունգարիա, Մալթա, Նիդեռլանդներ, Նորվեգիա, Շվեդիա, Չեխիա, Պորտուգալիա, Ռումինիա, Սլովակիա, Սլովենիա, Ֆինլանդիա, Ֆրանսիա) ԼՀ ժամանողները կարանտին են անցնում COVID-19-ի թեստավորում չանցնելու դեպքում: Թեստը պետք է կատարվի սահմանը հատելուց ոչ ուշ, քան 48 ժամ առաջ: Թեստի տեսակը՝ ՊՇՌ (PCR) կամ հակամարմին (antigen): Սահմանափակումները կիրառվում են խմբային և անհատական տրանսպորտային բոլոր միջոցներով ժամանողների, ինչպես նաև սահմանը ոտքով հատող անձանց նկատմամբ: Կարանտինի ենթարկված ճանապարհորդները կկարողանան սահմանը հատելուց հետո 48 ժամվա ընթացքում կատարել թեստավորում, որի բացասական արդյունքը նրանց կազատի կարանտինից: Թեստերը վճարովի են:

ԵՄ արտաքին սահմաններից դուրս գտնվող երկրներից ԼՀ ժամանողներն անցնում են 10-օրյա պարտադիր տնային կարանտին և չեն ազատվում կարանտինից 48 ժամվա ընթացքում կատարված թեստի հիման վրա: Այդ հնարավորությունը տրվում է միայն 7 օր անց: Թեստերը վճարովի են: Այն անձինք, ովքեր ժամանումից հետո մնում են ԼՀ տարածքում ոչ ավել, քան 24 ժամ և ունեն ավիատոմս, որը հաստատում է ԼՀ տարածքից 24 ժամվա ընթացքում մեկնումը, ազատվում են կարանտին անցնելու պարտավորությունից: 

2021թ․ հուլիսի 1-ից Լեհաստանի Հանրապետությունում ուժի մեջ է մտել ԵՄ թվային քովիդ վկայականի (EU Digital Covid Certificate) կիրառումը, ըստ որի՝ ԵՄ-ում գրանցված պատվաստանյութերով (Pfizer/BioNTech, Moderna, AstraZeneca /2 դեղաչափ/, Johnson & Johnson /1 դեղաչափ/) ամբողջական (վերջնական դեղաչափից 14 օր անց) պատվաստման վկայական ունեցող անձանց նկատմամբ ԼՀ պետական սահմանը հատելուց հետո չի կիրառվում կարանտինային որևէ սահմանափակում։ Պատվաստման վկայականը պետք է լինի լեհերեն կամ անգլերեն, որում նշված լինեն պատվաստում ստացած անձի անուն-ազգանունը, ամբողջական պատվաստում ստանալու մասին տեղեկատվությունը՝ վերջին դեղաչափի ընդունման օրվա նշումով և պատվաստանյութի անվանումը։ Անվճար, թղթային և էկեկտրոնային տարբերակներով արագ արձագանքման (QR) կոդ պարունակող վկայականները տրվում են այն անձանց, ում ՊՇՌ (PCR) թեստի դրական պատասխանից հետո անցել է 11 օր` մինչև 180 օր տևողությամբ, ում ՊՇՌ կամ հակամարմին (antigen) թեստի պատասխանը եղել է բացասական՝ 48-ժամյա վաղեմությամբ, ում պատվաստման ամբողջական ընթացքն ավարտված է և ուժի մեջ է 12 ամիս տևողությամբ։ 12 տարեկանից ցածր երեխաները, ովքեր ճանապարհորդում են պատվաստված մեծահասակների խնամքի տակ, կարանտինի ենթակա չեն:

Հավելյալ տեղեկությունների համար՝ https://www.gov.pl/web/koronawirus/aktualne-zasady-i-ograniczenia ։

Լիխտենշտայն մուտք գործելիս կիրառվում են Շվեյցարիա մուտք գործելու համար սահմանված կանոնները: Ըստ այդմ՝ երկիր մուտք գործելիս անհրաժեշտ է ներկայացնել լիարժեք պատվաստման սերտիֆիկատ կամ ՊՇՌ թեստ, ինչպես նաև մուտք գործելու մասին համապատասխան դիմում: Նշյալ փաստաթղթերի ներկայացումը պարտադիր է 16 տարին լրացած բոլոր քաղաքացիների համար:

Անհրաժեշտ տեղեկատվությունը հասանելի է հետևյալ հղումներով.

https://bit.ly/3oc4E0w և https://bit.ly/2WgQccf

Լիտվայի կառավարության որոշման համաձայն՝ օտարերկրյացիների մուտքի սահմանափակումները չեն տարածվում այն երկրների նկատմամբ, որոնք ներառվել են երրորդ երկրների ԵՄ ցուցակում, որոնց քաղաքացիների վրա չպետք տարածվի դեպի ԵՄ «ոչ կենսական» ուղևորությունների համար արտաքին սահմանների ժամանակավոր սահմանափակումները։

Հայաստանի Հանրապետությունը ներառված է Եվրոպական խորհրդի կողմից ս․թ․ հուլիսի 01-ին ընդունված խորհրդատվական փաստաթղթի հավելվածի 1-ի ցանկում, և ըստ այդմ ՀՀ քաղաքացիների վրա չի տարածվում է Լիտվա մուտքի սահմանափակումները։

Սույն որոշումն ուժի մեջ է ս․թ․ հուլիսի 19-ից։

Լիտվա մուտք գործելու համար պահանջվում է 72 ժամվա ընթացքում արված COVID-19 ՊՇՌ թեստի բացասական պատասխան կամ COVID-19-ով վարակված և ապաքինված լինելու վերաբերյալ փաստաթուղթ կամ ԵՄ տարածքում ճանաչված պատվաստանյութերով պատվաստման ապացույց:

Բացի այդ, Լիտվա մուտք գործելու համար մեկնումից առնվազն 48 ժամ առաջ անհրաժեշտ է լրացնել առողջության հարցաթերթիկը և ունենալ վավեր QR կոդ: