EnglishFrançaisРусский

Ելույթներ

27.03.2018

ՀՀ ԱԳ Նախարար Էդվարդ Նալբանդյանի ողջույնի խոսքը Լյուքսեմբուրգի ԱԳ Նախարար Ասելբորնի այցի եւ Լյուքսեմբուրգի Պատվավոր հյուպատոսի գրասենյակի բացման կապակցությամբ ընդունելությանը

Ի դեմս Լյուքսեմբուրգի, Հայաստանն ունի հետևոողական, սկզբունքային եւ վստահելի գործընկեր՝ ինչպես երկկողմ հարաբերություններում, այնպես էլ բազմակողմ հարթակներում։ Հարգելի գործընկեր, սիրելի բարեկամ, կարող եք այսուհետ ևս վստահ լինել, որ Հայաստանի վերաբերմունքը խորապես փոխադարձ է։ մանրամասն ...

20.03.2018

Արտաքին գործերի նախարար Էդվարդ Նալբանդյանի ելույթը Ֆրանկոֆոնիայի Խորհրդարանական վեհաժողովի քաղաքական կոմիտեի նիստին

Ուրախ եմ ձեզ ողջունել Հայաստանում Քաղաքական հարցերով հանձնաժողովի նիստի կապակցությամբ, այս հատկանշական օրը՝ մարտի 20-ին, երբ աշխարհը տոնում է Ֆրանկոֆոնիայի միջազգային օրը, ինչպես նաև այս բացառիկ տարում, երբ Հայաստանում թևածում է Ֆրանկոֆոնիայի ոգին: մանրամասն ...

20.03.2018

Արտաքին գործերի նախարար, Ֆրանկոֆոնիայի նախարարական համաժողովի նախագահ Էդվարդ Նալբանդյանի ուղերձը Ֆրանկոֆոնիայի երկամսյակի կապակցությամբ

Հայաստանի համար պատվաբեր է այն վստահությունը, որ նրա հանդեպ դրսևորել են ֆրանսախոս երկրների պետությունների և կառավարությունների ղեկավարները՝ ընձեռելով գագաթաժողովի կազմակերպման հնարավորությունը։ Մեր երկրի ջանքերն այժմ ուղղված են նրան, որպեսզի այդ համաժողովը մեծ հաջողություն արձանագրի ողջ ֆրանկոֆոն ընտանիքի համար։ մանրամասն ...

16.03.2018

ՀՀ արտաքին գործերի նախարար Էդվարդ Նալբանդյանի ելույթը Լիբանանին աջակցության վերաբերյալ նախարարական համաժողովին

Հայաստանի համար Լիբանանի կարևորությունը պայմանավորված չէ միայն այս երկրի տարածաշրջանային նշանակությամբ: Դարեր շարունակ հայ ժողովուրդը Մերձավոր Արևելքի և լիբանանյան խճանկարի ինքնատիպ մաս է կազմել: Այսօր այս երկիրը հյուրընկալում է տարածաշրջանի ամենամեծ հայկական համայնքը, որը մեր ժողովրդի մշակութային ու հոգևոր կենտրոններից մեկն է հանդիսանում: Ավանդաբար հայերն ակտիվորեն ներգրավված են Լիբանանի սոցիալական կյանքի բոլոր ոլորտներում, ներառյալ՝ քաղաքականության մեջ: Այսօր նրանք ներկայացված են և՛ կառավարությունում և՛ խորհրդարանում: Հայերը կիսել են բոլոր այն դժվարությունները, որոնց բախվել է Լիբանանի ժողովուրդը, և պատրաստակամ են այսուհետ ևս իրենց ներդրումը բերել պետության ապահով ու անվտանգ ապագային: Այս նպատակին հասնելու ճանապարհին Հայաստանի Հանրապետությունը կանգնած է Լիբանանի ժողովրդի կողքին: մանրամասն ...

05.03.2018

ԱԳ նախարարի խոսքը «Ժխտման ճարտարապետները» ֆիլմի հայաստանյան պրեմիերային

Կարելի է անվարան ասել, որ այս ֆիլմը կարևոր քայլ է, ինչպես Հայոց ցեղասպանության միջազգային ճանաչման ու իրազեկվածության բարձրացման, այնպես էլ ցեղասպանությունների, ժխտողականության չարիքի դեմ պայքարում: Այն նշանակալի խթան է «այլևս երբեք»-ի խոստումն իրականացնելու համամարդկային ջանքերում: մանրամասն ...

01.03.2018

Արտաքին գործերի նախարար Էդվարդ Նալբանդյանի ելույթը Ազգային անվտանգության խորհրդի նիստում

Անկախությունից ի վեր Հայաստանը փորձել է հարաբերություններ հաստատել Թուրքիայի հետ։ Սակայն, հայ-թուրքական հարաբերությունները շարունակում էին փակուղում մնալ, երբ Հանրապետության Նախագահը 2008թ.-ին նախաձեռնեց Թուրքիայի հետ հարաբերությունների կարգավորման գործընթացը: Դրա հիմքում ընկած էր առանց նախապայմանների հարաբերությունների կարգավորումը: մանրամասն ...

27.02.2018

ՀՀ ԱԳ նախարար Էդվարդ Նալբանդյանի ելույթը ՄԱԿ Մարդու իրավունքների խորհրդի 37-րդ նստաշրջանի բարձր մակարդակով հանդիպմանը

Երեսուն տարի առաջ՝ 1988 թ. փետրվար ամսվա այս նույն օրերին, հայկական ջարդեր տեղի ունեցան Ադրբեջանի Սումգայիթ քաղաքում, որի արդյունքում բազմաթիվ հայեր սպանվեցին, վիրավորվեցին և արտաքսվեցին։ Բռնություններն իրագործվեցին Ադրբեջանի իշխանությունների կողմից` Լեռնային Ղարաբաղի ժողովրդի` ինքնորոշման խաղաղ ձգտումների համար հայերին պատժելու նպատակով: մանրամասն ...

21.02.2018

Հայաստանի արտաքին գործերի նախարար Էդվարդ Նալբանդյանի ելույթը Եվրոպական խորհրդարանի արտաքին հարաբերությունների հանձնաժողովում

Միջխորհրդարանական համագործակցությունը նշանակալի տեղ է զբաղեցնում Հայաստանի և Եվրոպական միության քաղաքական երկխոսության առանցքում: Այս առումով արդյունավետ հարթակ է հանդիսանում Խորհրդարանական համագործակցության հանձնաժողովը, որի վերջին նիստը հաջողությամբ գումարվեց Երևանում անցյալ տարվա դեկտեմբերին: Մեր երկրը շուտով անցում կկատարի կառավարման խորհրդարանական համակարգին, որտեղ առավել մեծ կարևորություն ձեռք կբերի միջխորհրդարանական համագործակցությունը: մանրամասն ...

28.12.2017

Արտգործնախարարի բացման խոսքն Ամանորի և Սուրբ ծննդյան տոների առթիվ ՀՀ արտաքին գործերի նախարարությունում կազմակերպված ընդունելությանը

Ոչ միայն Հայաստանում, այլ նաև շատ այլ երկրներում ընդունված է տարեմուտը դիմավորել բարեկամների շրջապատում: Այսօր այստեղ հավաքվածները բարեկամներ են, որոնց միավորում են նաև Հայաստանի երկկողմ ու բազմակողմ բարեկամական կապերի առավել ամրապնդման համատեղ ջանքերը: մանրամասն ...

16.12.2017

ՀՀ ԱԳ նախարար Էդվարդ Նալբանդյանի խոսքը Գյոթեի անվան կենտրոնի բացման պաշտոնական արարողության ընթացքում

Կենտրոնի բացումն էլ ավելի լայն հնարավորություններ է ստեղծում մեր երկրում Գերմանիայի ճանաչելիության բարձրացման, գերմաներենի և գերմանական մշակույթի տարածման, կրթական փոխանակումների և միջմշակութային երկխոսության խորացման համար։ Այս կենտրոնը հիմք է հանդիսանում հետագայում Գյոթեի անվան լիարժեք ինստիտուտի բացման համար։ Լիահույս եմ, որ համատեղ ուժերով մոտ ապագայում կյանքի կկոչենք նաև այդ կարևորագույն քայլը։ մանրամասն ...