EnglishFrançaisРусский

Մամուլի հաղորդագրություններ

Դեսպան Թումանյանի հանդիպումն ԻԻՀ գիտության, հետազոտությունների և տեխնոլոգիաների նախարարի հետ

10.06.2018

Հունիսի 10-ին Իրանում ՀՀ դեսպան Արտաշես Թումանյանը հանդիպեց ԻԻՀ գիտության, հետազոտությունների և տեխնոլոգիաների նախարար Մանսուր Ղոլամիի հետ:

Զրուցակիցներն անդրադարձան գիտության և կրթության ոլորտում երկու երկրների միջև համագործակցության մեծ ներուժին, առկա հնարավորություններին և հարաբերությունների խորացման անհրաժեշտությանը:

Առանձին քննարկվեցին համատեղ գիտահետազոտական ծրագրերի իրականացման, բուհերի դիպլոմների ճանաչման, հյուրընկալվող ուսանողների կրթական պայմանների բարելավման և այլ հարցեր:

Հանդիպման ընթացքում համաձայնություն ձեռք բերվեց Հայաստանի և Իրանի գիտական, կրթական կազմակերպությունների ներկայացուցիչների և մասնագետների, տվյալ ոլորտի պետական մարմինների պաշտոնատար անձանց փոխադարձ այցերի ակտիվացման վերաբերյալ:
 

Կից լուսանկարներ

Դեսպան Թումանյանի հանդիպումն ԻԻՀ գիտության, հետազոտությունների և տեխնոլոգիաների նախարարի հետ

Դեսպան Թումանյանի հանդիպումն ԻԻՀ գիտության, հետազոտությունների և տեխնոլոգիաների նախարարի հետ

Ամբողջ ալբոմ »