EnglishFrançaisРусский

Մամուլի հաղորդագրություններ

Դեսպան Սամվել Մկրտչյանի և Լիբանանի խորհրդարանի նախագահ Նաբիհ Բըրիի հանդիպումը

01.06.2018

Հունիսի 1-ին Լիբանանում ՀՀ դեսպան Սամվել Մկրտչյանը հանդիպում ունեցավ Լիբանանի Ազգային ժողովի նախագահ Նաբիհ Բըրիի հետ:

Դեսպան Մկրտչյանը, շնորհավորելով Նաբիհ Բըրիին այդ պաշտոնում մայիսի 23-ին վերընտրվելու կապակցությամբ, վերջինիս մաղթեց բեղմնավոր գործունեություն իր կարևոր առաքելության մեջ: Լիբանանի Ազգային ժողովի նախագահին փոխանցվեց ՀՀ Ազգային Ժողովի նախագահ Արա Բաբլոյանի շնորհավորական ուղերձը:

Կայացած զրույցի ընթացքում անդրադարձ կատարվեց Հայաստանի և Լիբանանի օրենսդիր մարմինների համագործակցության խնդիրներին՝ կարևորելով միջխորհրդարանական բարեկամության խմբերի գործունեությունը:

Սամվել Մկրտչյանը ներկայացրեց ՀՀ վերջին ներքաղաքական զարգացումները, նոր կառավարության քայլերը՝ ուղղված երկրում ժողովրդավարական սկզբունքների ամրապնդմանը:

Լիբանանի Ազգային ժողովի նախագահն իր հերթին ներկայացրեց մայիսի 6-ին Լիբանանում կայացած խորհրդարանական ընտրություններից հետո տեղի ունեցած զարգացումները:

Պայմանավորվածություն ձեռք բերվեց առաջիկայում անդրադառնալ խորհրդարանական մակարդակով փոխայցելությունների կազմակերպմանը:

Կից լուսանկարներ

	Դեսպան Սամվել Մկրտչյանի և Լիբանանի խորհրդարանի նախագահ Նաբիհ Բըրիի հանդիպումը

Ամբողջ ալբոմ »