EnglishFrançaisРусский

Մամուլի ասուլիս

21.06.2018

Հայաստանի և Եվրամիության միջև գործընկերության խորհրդի անդրանիկ նիստի արդյունքներով համատեղ մամուլի հայտարարություն

Գործընկերության խորհուրդը ողջունեց Հայաստանում վերջերս տեղի ունեցած բողոքների խաղաղ բնույթը, որոնք հանգեցրին Սահմանադրության շրջանակներում կառավարության ժողովրդավարական փոփոխությանը: Եվրամիությունը բարձր գնահատեց բոլոր կողմերի ցուցաբերած ընդհանուր զսպվածությունը և կոչ արեց քաղաքական շահագրգիռ ուժերին, այդ թվում նաև քաղաքացիական հասարակությանը, շարունակական և ներառական երկխոսության։ Եվրամիությունը ողջունեց Հայաստանի կառավարության հստակ հանձնառությունը պայքարել կոռուպցիայի դեմ և այս ուղղությամբ կառավարության ձեռնարկած հստակ գործողությունները: ԵՄ-ը վերահաստատեց իր աջակցությունը բարեփոխումներին, այդ թվում տեխնիկական և ֆինանսական օժանդակության տեսքով, ուղղված ժողովրդավարության, օրենքի գերակայության, մարդու իրավունքների պաշտպանության ամրապնդմանը, Հայաստանում բարեկեցության և սոցիալ-տնտեսական աճի ավելացմանը: մանրամասն ...

21.06.2018

ԱԳ նախարար Մնացականյանի մամուլի հայտարարությունը Հայաստան-Եվրամիություն գործընկերության խորհրդի առաջին նիստի արդյունքներով

Շնորհակալություն ջերմ ընդունելության համար: Սա հիրավի շատ խորհրդանշական և կարևոր ժամանակաշրջան է մեր հարաբերություններում․ մենք հավաքվել ենք Համապարփակ և ընդլայնված գործընկերության համաձայնագրի (ՀԸԳՀ) ստորագրումից հետո առաջին Գործընկերության խորհրդի նիստը գումարելու համար: Սա տեղի է ունենում նաև մի ժամանակահատվածում, որը հաջորդում է Հայաստանում տեղի ունեցած կարևոր զարգացումներին: մանրամասն ...

18.06.2018

ԱԳՆ մամուլի խոսնակ Տիգրան Բալայանի ճեպազրույցը լրագրողների հետ

Տիգրան Բալայան. Անկեղծ ասած՝ մենք, մեր միջազագային գործընկերներն արդեն հոգնել ենք ադրբեջանական մամուլում մերթընդմերթ հայտնվող ապատեղեկատվությունից կամ այլ գործիչներին վերագրվող հայտարարություններից, նաև դրանք հերքելուց ենք հոգնել: Կոնկրետ Ձեր նշած փաստի առնչությամբ նշեմ, իհարկե, մենք իսրայելական կողմի հետ կապվել ենք, և մեզ ամենաբարձր մակարդակով վստահեցրել են, որ նման հայտարարություն չէր կարող արվել և չի արվել: Սա մոտավորապես այն շարքից է, որ Ադրբեջանը Նախիջևանի հետ սահմանին 11,000հա տարածք է իր վերահսկողության տակ վերցրել: մանրամասն ...

13.06.2018

Արտաքին գործերի նախարար Զոհրաբ Մնացականյանի պատասխաններն Ազգային Ժողովում Կառավարության հետ հարցուպատասխանի ընթացքում

Առավել ևս Լեռնային Ղարաբաղի հարցում մենք արտահայտել ենք մեր գերակայությունը, որը վերաբերում է բանակցային գործընթացում Հայաստանի համար կարգավիճակի և անվտանգության բացառիկ կարևորությանը: Այժմ գտնվում ենք բանակցությունների մեջ՝ վերաներգրավվելու գործընթացում: մանրամասն ...

07.06.2018

ՀՀ ԱԳ նախարար Զոհրաբ Մնացականյանի խոսքը և պատասխանը լրագրողի հարցին ՌԴ ԱԳ նախարար Սերգեյ Լավրովի հետ համատեղ մամուլի ասուլիսին

Սերգեյ Վիկտորիի հետ հանդիպմանը ես վերահաստատեցի Ռուսաստանի Դաշնության հետ բազմաբովանդակ դաշնակցային փոխգործակցությունը կայուն զարգացնելու մեր հաստատակամությունը, և ընդգծեցի այն կարևորությունը, որ հայկական կողմը տալիս է Ռուսաստանի հետ ռազմավարական համագործակցությանը։ մանրամասն ...

05.06.2018

ԱԳՆ մամուլի խոսնակ Տիգրան Բալայանի ճեպազրույցը լրագրողների հետ

Նախ, ձեր ուշադրությունն եմ հրավիրում, որ անցյալ շաբաթ շրջանառության մեջ դրվեց ՀՀ կառավարության ծրագրի նախագիծը, ուր նշված են Կառավարության արտաքին քաղաքականության հիմնական նպատակները, արտաքին քաղաքականության առաջնահերթություններն ու հիմնական խնդիրները, մեր գործընկեր երկրների և կազմակերպությունների հետ փոխգործակցության տեսլականը, որի հիմքում ընկած են Հայաստանի Հանրապետության և հայ ժողովրդի հավաքական շահերը, որոնցով և առաջնորդվելու է կառավարությունը։ մանրամասն ...

28.05.2018

ԱԳ նախարար Զոհրաբ Մնացականյանի խոսքը Ֆրանսիայի` Եվրոպայի և արտաքին գործերի նախարար Ժան-Իվ Լը Դրիանի հետ հանդիպման արդյունքներով

Անկախությունից ի վեր մենք մշտապես զգացել ենք Ֆրանսիայի աջակցությունն ու բարեկամությունը և հպարտությամբ կարող ենք արձանագրել, որ հայ-ֆրանսիական հարաբերությունները գտնվում են բարձր մակարդակի վրա, ինչի վկայությունն է մշտական քաղաքական երկխոսությունը, պետությունների ղեկավարների մակարդակով պարբերական պետական այցելությունները, տարբեր բնագավառներում խորը համագործակցային կապերը, միջազգային կառույցներում սերտ փոխգործակցությունը և, իհարկե, ֆրանսահայ աշխույժ համայնքի առկայությունը։ մանրամասն ...

25.05.2018

ԱԳ նախարար Զոհրաբ Մնացականյանի ճեպազրույցը լրագրողների հետ «Հայաստան» համահայկական հիմնադրամի հոգաբարձուների խորհրդի և տեղական մարմինների 27-րդ համատեղ նիստի ժամանակ

Բոլորիս հույսն է, որ կարգավորումը կլինի շատ շուտով, բայց կարգավորումը պետք է արտահայտի մեր շահերը, մեր ձգտումները, մեր նպատակները: Բնական է, մենք խոսում ենք փոխզիջման մասին, բայց դրա հիմքում, առաջին հերթին, դրված է մեր շահերի և նպատակների արտահայտությունը, կրկնեմ, հիմքում դրված է Արցախի ժողովրդի ազատ ինքնորոշման իրավունքը և Արցախի ժողովրդի անվտանգությունը: մանրամասն ...

23.05.2018

ԱԳ նախարար Զոհրաբ Մնացականյանի պատասխաններն Ազգային ժողովում կառավարության հետ հարցուպատասխանի ընթացքում

Այո՛, իսկապես, մենք սպասում ենք համանախագահների հետ երկխոսության գործընթացի մեջ մտնելուն։ Մեզ համար շատ էական է պահպանել գործընթացի դինամիկան, որովհետև դրա հիմքում դրված է հանձնառությունը` շարունակելու խաղաղ գործընթացը բացառապես բանակցությունների միջոցով և բացառապես Մինսկի խմբի համանախագահության շրջանակներում: Այդ մասին բարձրաձայնվել է և՛ վարչապետի կողմից, և՛ տարբեր առիթներով` մեր կողմից: մանրամասն ...

23.05.2018

Արտաքին գործերի նախարար Զոհրաբ Մնացականյանի ճեպազրույցը լրագրողների հետ Ազգային ժողովում

Մեր կյանքում բոլորս կրում ենք պատասխանատվություն, և պատասխանատվությունն այս երկրի համար է, պատասխանատվությունն այս հիասքանչ մթնոլորտի համար է, որ այս երկրում կա բոլոր ժամանակներում: Հատկապես, երբ նայում եմ Ձեզ՝ երիտասարդներիդ, շատ ոգևորված եմ ինձ զգում, որովհետև մեծ վստահություն ունեմ այս երկրի հանդեպ՝ նաև իմ փորձից ելնելով: մանրամասն ...