EnglishFrançaisРусский

Մամուլի ասուլիս

29.01.2018

Արտաքին գործերի նախարար Էդվարդ Նալբանդյանի խոսքը և պատասխանները լրագրողների հարցերին 2017թ. դիվանագիտական տարվա ամփոփիչ ասուլիսին. մաս1

2017թ. ընթացքում Հայաստանի Հանրապետության արտաքին գործերի նախարարությունը շարունակել է աշխատանքները Հանրապետության Նախագահի ուրվագծած արտաքին քաղաքականության ուղենիշերի և նրա կողմից տրված հանձնարարականների ու կառավարության ծրագրի հիման վրա, համակարգել է Հայաստանի պետական կառավարման մարմինների արտաքին կապերը և նպաստել դրանց խորացմանը: մանրամասն ...

29.01.2018

Արտաքին գործերի նախարար Էդվարդ Նալբանդյանի խոսքը և պատասխանները լրագրողների հարցերին 2017թ. դիվանագիտական տարվա ամփոփիչ ասուլիսին. մաս2

Հանրային հեռուստաընկերություն. Պարոն Նալբանդյան, երկու հարց՝ Կրակովի հանդիպումից հետո հայտարարվեց, որ սկզբունքային որոշում կա Կասպրչիկի գրասենյակի կարողություններն ընդլայնելու հետ կապված: Կխնդրեի նաև բացել փակագծերը՝ Վիեննայի հանդիպումից հետո հրադադարի խախտման միջազգային մեխանիզմ ստեղծելու հետ կապված այդ գործընթացն ի՞նչ փուլում է: Էդվարդ Նալբանդյան . Ինչ վերաբերում է ԵԱՀԿ գործող նախագահի անձնական ներկայացուցչի գրասենյակի հնարավորությունների ընդլայնմանը, ապա գիտեք, որ Հայաստանը միշտ կողմ է եղել դրան, քանի որ հակամարտության գոտում դիտորդական առաքելություն իրականացնող միակ կառույցն է։ Իհարկե, եթե ավելացնել այդ դիտորդական առաքելություն իրականացնողների թե՛ քանակը, թե՛ էֆեկտիվությունը, ավելի ինտենսիվ դարձնել մոնիտորինգային առաքելությունները, ապա դա կարող է նպաստավոր լինել հակամարտության գոտում լարվածության նվազեցման համար, նպաստել 1994-95 թթ. ձեռք բերված զինադադարի վերաբերյալ համաձայնությունների կատարմանը: Գիտեք, որ այս պայմանավորվածությունը ձեռք էր բերվել Վիեննայում և դրանից... մանրամասն ...

18.12.2017

ՀՀ ԱԳ նախարար Էդվարդ Նալբանդյանի խոսքը ՆԱՏՕ-ի Գլխավոր քարտուղարի տեղակալ Ռոուզ Գոթեմյոլլերի հետ ճեպազրույցին

Հայաստանը շարունակում է իր կարևոր ներդրումն ունենալ միջազգային խաղաղության ու կայունության հաստատման ՄԱԿ-ի և ՄԱԿ-ի հովանո ներքո իրականացվող հավաքական ջանքերում անվտանգության սպառողից վերածվելով անվտանգության մատակարարողի: մանրամասն ...

13.12.2017

Հայաստանի ԱԳ նախարար Էդվարդ Նալբանդյանի խոսքը Հունաստանի ԱԳ նախարար Նիկոս Կոձիասի հետ համատեղ մամուլի ասուլիսին

Մտքեր փոխանակեցինք մեր տնտեսական հարաբերությունների ներուժի վերաբերյալ, որոնք կարող են ընդլայնվել միջկառավարական հանձնաժողովի աշխատանքների և գործարար ֆորումների կազմակերպման միջոցով: Քննարկվեցին նաև Հայաստանի ազատ առևտրի գոտիներում հունական ընկերությունների հնարավոր ներգրավմանը, Հայաստան-ԵՄ հարաբերությունների շրջանակում առկա ներուժի օգտագործմանը, Հունաստանի և Եվրասիական տնտեսական միության միջև համագործակցության զարգացման հեռանկարներին առնչվող հարցեր: մանրամասն ...

28.11.2017

ՀՀ ԱԳ նախարար Էդվարդ Նալբանդյանի խոսքն Իրանի ԱԳ նախարար Մոհամմադ Ջավադ Զարիֆի հետ բանակցությունների արդյունքներով

Մեր երկրների միջև դիվանագիտական հարաբերությունների հաստատման 25-րդ հոբելյանական տարում կարելի է գոհունակությամբ արձանագրել, որ հայ-իրանական հարաբերությունները դինամիկ կերպով զարգացել են՝ ընդգրկելով նորանոր ոլորտներ։ Սակայն գիտակցում ենք, որ առկա է մեծ ներուժ, և մենք տրամադրված ենք համատեղ ջանքերով այն իրացնել՝ խորացնել, ընդլանել և ամրապնդել երկկողմ բազմաոլորտ փոխգործակցությունը։ մանրամասն ...

26.11.2017

ՀՀ արտաքին գործերի նախարար, Ֆրանկոֆոնիայի նախարարական համաժողովի նախագահ Էդվարդ Նալբանդյանի խոսքը ՖՄԿ նախարարական հանդիպման արդյունքներին նվիրված ասուլիսին

Հայաստանը հպարտ է, որ իրեն է վսհատվել պատիվը՝ հյուրընկալելու Ֆրանկոֆոնիայի 17-րդ գագաթաժողովը, որի հաջողությունն ապահովելու համար Հայաստանը մոբիլիզացրել է իր բոլոր հնարավորությունները։ Առանձնահատուկ կարևորություն ենք տալիս գագաթաժողովի տեսանելիության ապահովմանը։ մանրամասն ...

21.11.2017

Հայաստանի արտաքին գործերի նախարարի ելույթը և պատասխանները լրագրողների հարցերին Ռուսաստանի արտաքին գործերի նախարարի հետ մամուլի ասուլիսի ընթացքում

Հատուկ ուշադրություն է դարձվել ղարաբաղյան հիմնախնդրի կարգավորման գործընթացին, Հայաստանի և ԵԱՀԿ Մինսկի խմբի համանախագահ երկրների ջանքերին՝ ուղղված 2016-2017թթ. ղարաբաղյան խնդրի շուրջ Վիենայի, Սանկտ-Պետերբուրգի և Ժնևի գագաթաժողովներում ձեռք բերված պայմանավորվածությունների իրականացմանը՝ ուղղված իրավիճակի լարվածությունը կանխելուն, հրադադարի մասին եռակողմ համաձայնագրերի պահպանմանը, հակամարտության գոտում լարվածության նվազեցման նպատակով լրացուցիչ միջոցառումների ձեռնարկմանը և բանակցային գործընթացի ակտիվացմանը: մանրամասն ...

17.11.2017

Հայաստանի արտգործնախարար Էդվարդ Նալբանդյանի խոսքը և պատասխանները լրագրողների հարցերին Բրազիլիայի արտաքին հարաբերությունների նախարար Ալոիզիո Նունյեսի հետ բանակցությունների արդյունքներով

Հատկանշական է, որ Բրազիլիայի արտաքին հարաբերությունների նախարարի այս այցելությունը տեղի է ունենում մեր երկրների միջև դիվանագիտական հարաբերությունների 25-ամյա հոբելյանական տարում, և իհարկե այն լավ առիթ է միջպետական հարաբերությունների քառորդդարյա պատմությունը գնահատելու և երկկողմ համագործակցության առավել խորացմանը միտված ծրագրերը քննարկելու ու պայմանավորվածություններ ձեռք բերելու համար: մանրամասն ...

20.10.2017

Հայաստանի արտգործնախարար Էդվարդ Նալբանդյանի խոսքը Լեհաստանի արտգործնախարար Վիտոլդ Վաշչիկովսկու հետ բանակցությունների արդյունքներով

Դիվանագիտական հարաբերությունների հաստատումից ի վեր բարձրաստիճան փոխայցելությունների, արդյունավետ քաղաքական երկխոսության և ծավալուն իրավապայմանագրային դաշտի ստեղծման միջոցով մեր երկրներին հաջողվեց կայուն հիմք կառուցել՝ հայ-լեհական հարաբերությունների համապարփակ և բովանդակալից զարգացման համար թե՛ երկկողմ, թե՛ բազմակողմ մակարդակներում: մանրամասն ...

02.10.2017

Հայաստանի արտգործնախարար Էդվարդ Նալբանդյանի խոսքը Եվրոպական հանձնաժողովի հարևանության և ընդլայնման հարցերով հանձնակատար Յոհանես Հանի հետ բանակցությունների արդյունքներով

Մեր շփումները, հանդիպումներն ու երկխոսությունը պարբերական բնույթ են կրում։ Միայն այս տարվա ընթացքում պարոն Հանի հետ արդեն հինգ հանդիպում ենք ունեցել, վերջին անգամ հանդիպել էինք շաբաթներ առաջ՝ սեպտեմբերի 8-ին Տալլինում՝ Եվրոպական միության և Արևելյան գործընկերության մասնակից երկրների արտգործնախարարների հանդիպման շրջանակներում, և այսօրվա այցելությունը ևս մեկ հնարավորություն է ընձեռում շարունակել մեր քննարկումները Երևանում։ մանրամասն ...