Ընդհանուր տեղեկություններ

Հայաստանի Հանրապետության և Իտալիայի Հանրապետության միջև դիվանագիտական հարաբերությունները հաստատվել են 1992թ. մարտի 17-ին:

2013թ. հունվարի 29-ին Սարգիս Ղազարյանը նշանակվել է Իտալիայում ՀՀ արտակարգ և լիազոր դեսպան:

2009թ. հուլիսի 9-ին Հայաստանում Իտալիայի արտակարգ և լիազոր դեսպան Բրունո Սկապինին իր հավատարմագրերն է հանձնել ՀՀ Նախագահ Սերժ Սարգսյանին:

2006թ. հոկտեմբերի 26-ին Պիետրո Քուչուկյանը նշանակվել է Հայաստանի պատվավոր հյուպատոս Իտալիայում (նստավայրը` Միլան):

2001թ. մարտի 16-ին Անտոնիո Մոնտալտոն նշանակվել է Իտալիայի պատվավոր հյուպատոս Հայաստանում (նստավայրը` Գյումրի):

Այցեր

Իտալիա

Իրավապայմանագրային դաշտ

Արձանագրություններ

• Արձանագրություն՝ Հայաստանի Հանրապետության և Իտալիայի Հանրապետության միջև դիվանագիտական հարաբերությունների հաստատման մասին
• Արձանագրություն՝ Հայաստանի Հանրապետության ԱԳՆ և Իտալիայի Հանրապետության ԱԳՆ միջև խորհրդակցությունների մասին
• Արձանագրություն՝ Մեսրոպ Մաշտոցի անվան հին ձեռագրերի ինստիտուտ Մատենադարանի և Հռոմի Արխիվային ու գրքային ժառանգության վերականգնման և պահպանման կենտրոնական ինստիտուտի միջև համագործակցության մասին

Համաձայնագրեր

• ՀՀ Երևան մարզի և Իտալիայի Հանրապետության Տոսկանա մարզի միջև համագործակցության մասին
• ՀՀ կառավարության և Իտալիայի Հանրապետության կառավարության միջև ներդրումների խրախուսման և պաշտպանության մասին
• ՀՀ կառավարության և Իտալիայի Հանրապետության կառավարության միջև ուղևորների և բեռների միջազգային ավտոտրանսպորտային փոխադրումների մասին
• ՀՀ կառավարության և Իտալիայի Հանրապետության կառավարության միջև օդային հաղորդակցությունների մասին
• ՀՀ կառավարության և Իտալիայի Հանրապետության կառավարության միջև եկամուտների և գույքի հարկերի առնչությամբ կրկնակի հարկումը բացառելու և հարկումից խուսափելը կանխելու մասին
• ՀՀ կառավարության և Իտալիայի Հանրապետության կառավարության միջև մշակութային, կրթական, գիտական և տեխնիկական բնագավառներում համագործակցության մասին
• ՀՀ կառավարության և Իտալիայի Հանրապետության կառավարության միջև մաքսային գործերում համագործակցության և փոխադարձ օգնության մասին
• ՀՀ կառավարության և Իտալիայի Հանրապետության կառավարության միջև տնտեսական համագործակցության մասին
• ՀՀ կառավարության և Իտալիայի Հանրապետության կառավարության միջև ոստիկանական համագործակցության մասին
• ՀՀ Տավուշի մարզի և Իտալիայի Ֆրիուլի-Վենեցիա-Ջուլիա նահանգի միջև տնտեսական և մշակութային կապերի հաստատման մասին
• Քաղաք Երևանի (Հայաստան) և քաղաք Վենետիկի (Իտալիա) միջև քույրացման մասին
• Հայաստանի Հանրապետության կառավարության և Իտալիայի Հանրապետության կառավարության միջև պաշտպանության բնագավառում համագործակցության մասին

Հուշագրեր

• Փոխըմբռնման հուշագիր ՀՀ առողջապահության նախարարության և Իտալիայի Հանրապետության առողջապահության նախարարության միջև առողջապահության և բժշկագիտության ոլորտում համագործակցության մասին
• Փոխըմբռնման հուշագիր ՀՀ կառավարության և Իտալիայի Հանրապետության կառավարության միջև 1997-1998թթ. ընթացքում երկկողմ տեխնիկական համագործակցության մասին
• Փոխըմբռնման հուշագիր ՀՀ Կառավարության և Իտալիայի Հանրապետության Կառավարության միջև փոքր և միջին ձեռնարկությունների համագործակցության մասին
• Փոխըմբռնման հուշագիր Հայաստանի Հանրապետության և Իտալիայի Հանրապետության արտաքին գործերի նախարարությունների միջև բարձրաստիճան քաղաքական խորհրդատվությունների վերաբերյալ
• Փոխըմբռնման հուշագիր Հայաստանի Հանրապետության քաղաքացիական ծառայության խորհրդի և Իտալիայի Հանրապետության հանրային կառավարման դեպարտամենտի միջև համագործակցության մասին
• Փոխըմբռնման հուշագիր Կոտայքի մարզի և Միլանի նահանգի միջև համագործակցության մասին
• Փոխըմբռնման հուշագիր Հայաստանի Հանրապետության էկոնոմիկայի նախարարության եւ Իտալիայի Հանրապետության տարածաշրջանային գործերի, զբոսաշրջության եւ սպորտի նախարարության միջեւ զբոսաշրջության բնագավառում համագործակցության մասին

Հայտարարություններ

• Համատեղ հռչակագիր ՀՀ կառավարության և Իտալիայի Հանրապետության կառավարության միջև տնտեսական համագործակցության մասին

Առեւտրատնտեսական հարաբերություններ

Հայաստանի եւ Իտալիայի միջեւ ապրանքաշրջանառության ծավալները (հազար ԱՄՆ դոլար)

Թարմացված է փետրվալ 2013թ.